ENGELB_02_007

Mien vare was bie Häökman vuur knech en Hesselnk Bennad is ok nao de eeuwighèèd, 'n ool'n Hesselnk Bennad, dis'n en die zint saam'm 's nachens nao 't ven henvuurd en Hesselnk Bennad vuurt vuuroet, nich, en ouns vare vuur der achteran en doe zint ze de bruw passeard, nich, en doe gaot Häökman ziene pear staon, ouns vare was doa vuur knecht en Hesselnk vuurt vedan, nich, en doe zeg ouns vare: Bennad woch es ef'n, zie gaot ja bôt staon; en doe har Hesselnk Bennad wocht, nich, en doe hef ouns vare dudelijk zein, at ze ofreept wan'n en de reep'n owwe de pear hen han'n smet'n, zie han'n bère pear ofreegt, nich; zie hebt pear wier anreept en ouns vare is wier vuur ôp 't kiske klauterd, vrowe han'n ze 'n kiske en zie hebt wier gaon laot'n en doe was Hesselnk Bennad zien'n ofreept en doe har Hesselnk Bennad zegd, nich,: Jans, het blif der hier nich bie, nich, lao'w mè 'n ounze vare en weesgegroet bin'n, a'w vôtkômt, aans zi'w vannacht in 'n däöster'n hier nog. En zie han'n ierst 'n groot kruus maakt en doe wan'n ze nich wier ofreept; wan'n 's nachens nao 't ven henvuurd.
Ik: "Welk ven was dan, Langven?"
[OH:] In dee tied vuur'n ze nao 't Striep.
Ik: "Dat lig achter Langven."
[OH:] Ja, ik weet nich woa at Striep lig, ja, achter Langven, mè ouns vare kuier'n altied van de Striep. En zuk ding, dat weet ik wa.
Ik: "Wat zôl dat dan wen'n west?"
[OH:] Ja, doa kôn'n ze al nao raon, zie zen'n dan, den läöp der wier en den läöp der wier, den was wierköm'm; zeint dee tied, in dee tied, mè dat is nog nich zaovöl joar'n verlen'n, lao'w mè zeng, at 'n tachentig joa verlen'n is, mè dat is nog nich zao lang verlen'n, mè in dee tied, woa ik sef'n van vertel'n van mien grootmore, die is dat inearing köm'm, nô eart ze in in 'n kèèrhof, mè vrowe, at ze nao 'n kèèrhof wörd'n bracht, wörd'n ze nich ineart, zie han'n ze wa in 't graf laot'n, mè dan han'n ze gen ear owwe hendaon, owwe de kist hen; dee leu, dee der nich ineard wan'n, dee wan'n wierköm'm; kiek, doa zôl dat van oetgaon wen'n.

SINSAG 0580 - Andere Hexenkünste    SINSAG 0580 - Andere Hexenkünste   

Na het slaan van een kruis worden paarden niet meer door iets afgetuigd.
Als kisten bij een begrafenis niet met aarde worden bedekt keren de doden terug.

Collectie Engelbertink, verslag 2, verhaal 7 (Archief Meertens Instituut)

D788 - Disenchantment by sign of cross.    D788 - Disenchantment by sign of cross.   

Haakman    Haakman   

Langeveen    Langeveen