ENGELB_12_013

Net as doe met t streupn in t Langven. Nijmeyer is a lang doad. t Gung altied met den met den A.B.T.B.. De duwels en geestelikn höwn met vuust op n preakstool, ie mosn mel betrekn van de A.B.T.B., dat is glashelder, ik heb t vaak heurd, mer doe met t streukn oet t Langven, doe was pastoor Mulder nog, den döar d’r al owwer, den betrök t mel nich van de A.B.T.B., van de coöperatie en nich van de A.B.T.B. Mer dat Nijmeyers volk, dat is onmöanig köppig volk en nen goedn kop, zie wet goad, wat ze doot, en den pastoor Mulder was doar zoa leep, he schuunn dee vrouw op, dee vrouw zol helpn, dat vertöl dee A.B.T.B. En die vrouw zeg: Pastoor, doar bemeuj ik mie nich met. Jens is d’r wa op de delm, dan mös t zölf zegn, ik zeg t hem nich en doe kwam he in de kökn en doe zeg he: zoa en zoa, he löat hem stil proatn, Pastoor, zal ik oe es wat verteln, as ik um nen melzak nich in n hemmel zol komn, wil ik d’r nooit wezn, afgeloopn. Ik heb altied betrökn van de coöperatie, dat doo ik vedan. As ik d’r um nen melzak nich zal komn, dan wil ik d’r nooit wezn, at d’r zoa knieperig is doar. Dat loat mer an mie owwer.
Klaassen: Doar kon de pastoor niks op zegn.

In conflict met pastoor stelt boer dat als hij om een zak meel niet in de hemel zal komen, hij dat niet eens wil.

Collectie Engelbertink, verslag 12, verhaal 13 (Archief Meertens Instituut)

Mulder    Mulder   

Nijmeyer    Nijmeyer   

Langeveen    Langeveen   

Langeveen    Langeveen