ENGELB_12_016

Klaassen: Vroger gungn ze wa es mangs ’s oavnds noar de möl hen, at d’r owwerdag gen weend was west. Bie oons in de buurt, twee breurs, dee goat noar de möl hen, dee loopt doar richtan owwer ne kaamp hen en at ze ’s oavnds doar wier noar hoes hen goat met n puut, nen scheppel of zoa, doe komt ze doar bie ne riej beum langs en ineens t was ok lechte moan, vaalt doar wat oet de beum, oet nen boom, zee goat d’rhen en zeukn onder hem, mer zie könt niks veendn en doar zint ze ok zoa wier met votgoan. n Veerteen daag later, zie wusn ja ok nich wat t was, n veerteen daag later, vaalt d’r nen jong oet n boom, must oethaaln, den oavnd doar was d’r ok wat völn, ja zee hadn dat nich vuuroetzeen, zee kondn niks veendn, mer, zeet n veerteen daag later precies wet ik t nich, doe was d’r nen jong, ja, alleen beenn brökn of n aarm, ja doe was d’r nen jong oetvöln, zeet, den man, den zeg wa, doar was wat oetvöln, zee hadn pas hoorn valn, t was stil west, met doe hadn ze niks könn veendn, zeet, dat is ok n woort vuurgeschicht. Zee hadn wa zocht met ear beedn, zee warn nich ban.

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

Voorloop van gebeurtenis.

Collectie Engelbertink, verslag 12, verhaal 16 (Archief Meertens Instituut)