ENGELB_13_010

H.E. Eduard: n Oortmöskediek en de spoorlien en zuk ding, he, dee konn de leu a mangs van te vuurtn zeen ankomn, dan zöagn ze ok eargns n lechtke duur t veald hengoan, terwijl at der toch genne spoorlien was.
E.M.: Oh joa, dat was vrower ok doe den tram hier vrower kwam, nich, doe hadn ze ok al dee lechtkes zeen, nich, al dee lechtkes zeen en later doe kwam dee tram, nich, en later zedn de leu gewoon, dat zint vuutgezichtn west, nich
H.E.: En dat van ne braand, he, ja doar hef Gerrard net ok a owwer had. Dat zee dat van te vuurtn a zeen ankomn.
E.M.: Dat he’j ok vaak.
H.E.: Mer a’j dan dichter biekwamn, dan was t heelmoal nich in braand, en a’j dan an de pöst veuln en as t woarm was, dan zol den braand binn kort komn. En was t nog koold, dan kon t nog n zetke anholdn.
E.M.: Dat kan best wezn.
H.E.: We’j dan zoa geval hier in de buurt?
E.M.: Nee, nee, nee dat we ik nich
G.M.: Mien vader hef nog wa vertöln, doe den tram hier hef loopn, wel at ze doe noa den tram hebt mötn brengn, hef dat n ooldn Plegt nich west of ophaaln dat wet ik nich, dat hef mien vader west, n ooldn Plegt hef der ok wa mangs met vuurd
E.M.: Op n Ham ... doar hef vrower ok n hoes stoan, dat is al bie Bos kömn
H.E.: Doar he’k wa papiers van trouwens. Mer Gerrard en Eduard, um doar wier op teruw te komn, met t geval van n neid hoes bouwn ergns, dat ze van te vuurtn ok n vuurgezicht hadn.
G.M.: Wat heurn timmern. Dat he’k vaak heurd.
E.M.: Hier vrower bie t melkfabriek, dee hadn ’s oavnds oet west, ’s oavnds laat nich, ...

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

SINSAG 0492 - Vorzeichen des Zuges    SINSAG 0492 - Vorzeichen des Zuges   

Voorloop van brand, aanleg van tramlijn, horen timmeren.

Collectie Engelbertink, verslag 13, verhaal 10 (Archief Meertens Instituut)

Ootmarsumseweg    Ootmarsumseweg