ENGELB_17_006

E: Ken ie nog leu, dee nen braand van te vuurtn zeet ankomn? nen braand, at der n hoes in braand zal komn. Nen braand, dat n hoes zal ofbraandn.
Vrouw: At n hoes ofbrent?
L: At der n hoes ofbrent?
Vrouw: Leu, dee dat vuurspeln könt?
L: Ie hebt dan Hasselman, dee is of ebraand, dat is kömn duur t dörschen .. is of ebraand, n eerstn januarinêagnteenhoonderd en tweeënzeuventig, dee boerderi-je doar en doar woont nen ... ja no ... nen haandelaar van ne confectiefabriek. zee hebt dee groond ekoft, dat was ne boerderi-je, dee hebt beheurd, dee hebt ze gêavn an de armn van Hoksebarge, katholiek, dat hebt ze an de armn van Hoksebarge hebt ze dee boerderi-je egeevn. Antoon ... wie hadn t laand an mekare, mer Antone kon ze doar nooit ofkriegn van dee boerderi-je, nee, nee, Hendrik, dat was ne zönne van de daarde vrouw van den man, de eerste vrouw, ze hadn der dreei keender van en dat was Antone, Herman en Jan, dee dreei keinder lag t effelingsbloed, doar he'j n Elferinksweg doar en dee hef dat eschoonkn an de armn van Hoksebarge, dee kondn dat gebroekn ... zoo lang at der blood op was. Hier in Hoksebarge, doar hadn ie nen Vierdag woonn, den Vierdag, dat was nen man, den was klerk ewest bi-j notaris Jordaan, en den Jordaan, vroger ha'j almoal Jordaan begriep ie good? Den hef dat almoal zoo bewerkt, den Vierdag en ook mevrouw, Hendrik, zêar he dan, at ze an de ene kaant ne schuppe ofstekn, möt de dee an de aandre kaante wier bi-j legn, begriep ie? Zoo is t, zoo is t beschrêaven ... Het mooiste was aaltied, wanneer a'j trouweri-je hadn in de buurt, dan mos natuurlik de broed en de broedegom veurn.
E: Mer pere, dee wilt nog wa es mangs wat zeen, wat n meanske nich zöt.
L: Dee hadn nen schimmel, doe hef hier de bevrijding west en bie de bevrijding heb wie de wage mooi emaakt, mer dee wage dee was zoa mooi, dee wage dee krêag de eerste pries met lof der jury, zoa mooi was den, dat leavern viefendartig geuldn op, mer dee viefendartig geuldn mos opmaakt wordn en doe zêar ik, dan mö'j dat mer doon hier op de delle, zee zint wa n betje te kort ekomn, ja wat doo'w dan? ik mos der zeuven guldn bie gêavn, Dat was zoo Jordaan har der braandnettel stoan ... naldholten, dat mog blievn stoan. En ik zegge, ik wil dee elsn, dee stoat an onze kaante, dee stoat ja an de oawerkaante van de stroat, doar harre wie dee elsn en hier stun nen els, doar geender bie de poorte ston nen else en bie Wouters, n stuk of viefteen elsn, dee elsn mosn der of, ze kondn nich bie oe kiekn en an de aandere kaante de braandnettel moen blievn stoan. Doar hef eerst nen Leppink wound, den har net nen naam as ikke, den man, den was zoo, den warn beeste in ziene ground ewest, wie hadn de beeste, ik wus der niks of, at van oons wat oet warn ebrokn, mosn ze ok wier inbrekn, niks kapot, dan zoln dee boern t spil ook better vuur mekaar maakn, zeg den man, at ze dat spil emaalt hadn, dan lag t ... wier kapot. Dat was opgebrachte groond, dee warn der deep in ezakt dee beeste, ja ik zegge, de beeste bint wa verzekerd, dat kö'j ja wa vergoed kriegn, ik zeg, ik wil dat wa opgievn, völ beest bint der nich oet ewest, dat ik nich opgiêven, dan ha'k ze toch wier in doon motn, mer hee schoevn, met dat grös heukske, dat grös en ... n schoap wordn der opzat en n schoap dat was dan n keer zoo en doe was dat schoap löskomn en dat was hier in oonze weare, ja dat schoap mos opvangn wordn duur de vrouw, mer zee hadn geelsgen touw, woar at ze dat schoap an doon mosn, dan mö'j mer zoo lang n touw leenn. mer ja, ik heb eer n touw edoane, doar gungn ze dan hen met dat schoap, mer nu mo'j es bekiekn, ik hebbe, hoo lang is dat eleedne, n joar of dree, veer vieve, he was bie Jorfaan no was he bie t veld, he wount doar no vuur, bie Veld in dat witte hoes.
W: He is a vot.
L: Is he vot? Doar bin ik ewest, dow kwaamp hier in de busse, doar kwaamp n brêafke van Leppink Morsinkhofweg twintig en dat kwamp van de bank oet Amsterdam. Ik deanke, doar ha'w nooit gen relaas met had, ik zeg, dat kan nich, dan ha'j ok Morsinkhof twintig, ik zeg, ik doo nich los, ik breng doar eavn hen, ik goa noar dat witte huuske hen, hier kondn ze mie niks en doar droogn ze mie op haand, dow ze doar wonn. Hoo kan dat no?
E: t Is net hoo de weind weait.
L: ... he mos ne sigaar hebn. Dee vrouw, dat is familie van dokter Drees, den van de Partij van de Arbeid kwam. Den hef a es hier west. Dokter Drees. Ja nich hier, mer toch ..
E: Den hef oe pensioen bracht?
L: Mö'j mie good begriepn, dow wordn hier grupstal emaakt, wie hadn vrower, ik wet nog best good, ha'w hier n hoalt woar de beest met de achterbeenn opstondn
E: t Groundhoolt nich?
L: Ja.
E: Zoa neum is dat, of nich?
L: Dat was t groundhoalt, dat lêar der vuur, doar warn de reppels in, mer achter ha'j ok n hoalt.
E: En ha'j doar nog nen naam vuur?
L: Dat was zoovöl as nen dam, n dam dan, woar'j achter kondn loopn, mer dat was gen dam dow, de hoonder ha'j doar zittn, doar was nen sleet en doar zatn de hoonder, de hoonder vleugn tusschen de beest duur of op t rekke 's oavnds, mer ik kan der dit van vertealn, dow dat doan was met dat spil, ik was twaalf joar, t is in veertene gebuurd, zee hadn dat vuur mekare en dat kostn dreeihonderd en tien geuldn. Dat was n nei groundhoolt, dat was van beton en metaaln stalreppels en boavn, gladmaakn en dan n gierkanaal, nen aalkealder neumt ze dat. Wat is t geval? Nijhoes har de teekn maakt, mar doar kuimp wat ouns eum is, he kuimp hier ok met nen teekn ... kuimp doar met ne teekn, de vaar kik der noar, kiek es zêar de vaar, de reparatie doar betaal ik gen reinte van, nee, wat kost dan dee gierkanaal, no dat kost hoonderd en tien geuldn. In t geheel kostn dreehoonderd en tien geuldn, de reparatie, dee was nog meer as..dat was n betje steen en potlaander, wat wilt ze doe, dow wilt ze zeuvn proceint van hebn van dat geild. Ik zegge ... mer ja dat is toch nich in orde, zoo en zoo eentwintig geuldn mosn ze hebn. Ach zêar de fabrikaant, um eentwintig geuldn, van veerteen of an. Wat is t geval? Zee doot gewoon hier um oons zoer te maakn. Aans niks. Mien zuster dee is etrouwd, dee is hen egoane, woar ze vandaan komn is, tegeliek op denzölfdn dag. Viefntwintig meert tweeëntwintig dow is mien zuster doar hen egoane en is zee hier komn, mer wi-j mosn net zoovölle huur betaaln zowat as mien vaa en moo, umdat wi-j .... dat was ok Jordaan zien schoold. Den doar in Zwitserlaand storvn is en den wol hier vot um de belasting ... en dat bankgebouw, dee ground doar, dee heurn almoal an Jordaan, alleen de karke dee was der tusschen, dee ground dee heurn almoal Jordaan ...

Over een huis dat is afgebrand, een Bevrijdingsdagviering, en de constructie van een stal.

Collectie Engelbertink, verslag 17, verhaal 6

Herman    Herman   

Hasselman    Hasselman   

Anton    Anton   

Hendrik    Hendrik   

Jan    Jan   

Vierdag    Vierdag   

Jordaan    Jordaan   

Dokter Drees    Dokter Drees   

Wouters    Wouters   

Leppink    Leppink   

Veld    Veld   

Nijhuis    Nijhuis   

Haaksbergen    Haaksbergen   

Elferinksweg    Elferinksweg   

Amsterdam    Amsterdam   

Zwitserland    Zwitserland