BIJLSMA005804

In tsjoenster koe har yn in kat foroarje. Waerd sa 'n kat mishannele, dan hie de tsjoenster de woune, dy 't de kat slein wie. Dit is in âld minske yn 'e Haske ek ris oerkomd.
Seach men yn 'e tsjerke troch in ring nei de froulju, dan koe men sjen, dat in tsjoenster twa hoarntsjes op 'e holle hie.
Yn it holkjessen fan in sike waerd wol folle in krâns fan fearren foun. Sa 'n krâns moast dan forbârnd wurde. Der waerd dan in duvelbanner - dy út de Knipe wie tige bikend - of in âld wyfke byhelle. Dat wyfke mocht fansels net in tsjoenster wêze. Der waerd dan in biswarringsformule útsprutsen. Sa 'n formule (ik sil der ris op neifreegje hwat der dan sein waerd) sil wol oerlevere wêze út âlde tiden, mûlk wol út it heidendom. Doe 't it Kristendom kaem, bleauwen de formules, mar der waerd faek oan tafoege: "In den naam des Vaders en des Zoons en des Heiligen Geestes. Amen".
Der wiene ek âlde wyfkes, dy 't it blieden fan in woune stjelpe koene troch it útsprekken fan sa 'n biswarringsformule.
In âld minske (nou allang wei) hat my ris forteld, dat hja it ris hawn hie, dat hja har forwoune mei in skerp mês. Hja hie in slachier troffen. It is al lang forlyn en in dokter wie net to birikken. Hja stjûrde har famke nei in âlde buorfrou, dy 't daliks kaem. Dy striek mei de hân oer de woune en sei njoggen kear (3 kear 3 kear): "Bloed, dû silst net fierder gean". Doe 't se dat dan njoggen kear sein hie, kaem dêr noch efteroan: "In den naam des Vaders en des Zoons en des Heiligen Geestes. Amen."
Sadré se dat sein hie, hâldde it blieden op.

SINSAG 0608 - Andere Begegnungen mit Hexentieren.    SINSAG 0608 - Andere Begegnungen mit Hexentieren.   

TM 3101 - Heks maakt kind (mens, dier) ziek    TM 3101 - Heks maakt kind (mens, dier) ziek   

TM 3109 - Heksenkrans in kussen    TM 3109 - Heksenkrans in kussen   

TM 3102 - Belezer geneest mens of dier    TM 3102 - Belezer geneest mens of dier   

Heks kan zich in een kat veranderen; hoe een heks te herkennen is; verbreken van betovering door duivelbanner of door uitspreken van bezweringsformule; bloeden stopt door uitspreken van bezweringsformule.

Collectie Bijlsma, verslag 58, verhaal 4 (Archief Meertens Instituut)

Kristendom    Kristendom   

Christendom    Christendom   

Vader    Vader   

Zoon    Zoon   

Heilige Geest    Heilige Geest   

Knipe    Knipe   

De Knijpe    De Knijpe   

Haske    Haske   

Oudehaske    Oudehaske   

Oudehaske    Oudehaske