HOOCH08 - HOE ULESPIEGHEL BOTERMELCK COCHTE.

HOE ULESPIEGHEL BOTERMELCK COCHTE.
Corts te voren eer Ulespiegel te Mariendale int clooster ginc so quam
hi op een merctdach te Bremen ende sach veel lant vrouwen met botermelc
ter merct comen, so haelde hi een grote cuype oft tobbe ende dede
alle die lant vrouwen haer botermelck tot hem brengen, ende hi teecken-
de hoe veel melcx dat elcke vrouwe brachte. Ende doen hi al dat melck in
sinen tobbe hadde so hadden die vrouwen geerne gelt gehadt. Doe seyde
Ulespiegel. Ghi vroukens ic en heb geen gelt ghi moet vertoeven tot over
acht dagen dan sal 1c u wel betalen, ende die dat niet doen en wil die
neme sijn melc weder. Doe dronghen die vrouwen aenden tab om elc
sijn melc te hebben so dat si malcanderen vuyl maecten ende bestorten
hem metten melcke so dat si gram warden ende sloegen malcanderen die
potten metten melc na dat hooft ende begoten hem sonderlinge metten
melck so datter veel nat ende wit waren vanden hoofde totten voeten
ende sagen als natte catten. Als si dus mismaect waren en wisten si hem
waer op wreken ende si sochten geliker hant Ulespiegel ende seyden.
Waer is die scalck die ons melc cochte, hadden wi hem hier hi soude
inden tobbe metten melc ooc gedoopt warden, maer hi was wech ende
die straten sagen oft melck geregent had. Ende alle die dat saghen loegen
om dattet so wel toe ghinc ende Ulespiegel wert seer gepresen in sijnder
scalcheyt.

VDK 1635* 22 - Eulenspiegel's Tricks. 22: Ulespegel als melkkoopman.    VDK 1635* 22 - Eulenspiegel's Tricks. 22: Ulespegel als melkkoopman.   

VDK 1635* - Eulenspiegel's Tricks    VDK 1635* - Eulenspiegel's Tricks   

ATU 1635* - Eulenspiegel’s Tricks    ATU 1635* - Eulenspiegel’s Tricks   

AT 1635* - Eulenspiegel's Tricks    AT 1635* - Eulenspiegel's Tricks   

Op de markt verzamelt Uilenspiegel karnemelk van boerinnen in een vat, maar hij blijkt geen geld te hebben om hen te betalen. Ze moeten een week wachten op hun geld, of hun deel melk maar weer uit het vat halen. Hierop ontstaat ruzie, en Uilenspiegel knijpt er tussenuit.

Van Ulenspieghels Leuen. Uitgegeven door Michiel Hillen van Hoogstraten in Antwerpen, ergens tussen 1525 en 1546.

Tijl Uilenspiegel    Tijl Uilenspiegel   

Mariental    Mariental   

Bremen    Bremen