HOOCH09 - HOE ULESPIEGEL SINEN BIECHTVADER BEDROOCH ENDE DEDE HEM ZIJN HANDEN BESCHIJTEN.

HOE ULESPIEGEL SINEN BIECHTVADER BEDROOCH ENDE DEDE HEM ZIJN HANDEN BESCHIJTEN.
Als Ulespiegel dus cranck was so wert hem een priester bracht om
hem goede vermaninge te doen. Als die paep bi hem quam dacht hi, dit is
een avontuerlic mensch geweest die veel wonders bedreven heeft, hi moet
wel gelt hebben, daer moet men hem in zijn uterste af seggen, ic souder
bi avontueren ooc een deel af hebben. Doe quam die paep bi hem ende
seyde: Ulespiegel lieve soen gedenct doch uwer sielen int uterste, want
ghi een avontuerlic man hebt geweest ende veel sonden gedaen, datlaet u
leet wesen. Hebt ghi ooc gelt dat avontuerlic gecregen is, wilt dat keeren
ter eeren gods ende armen priesteren als ic ben dat soude ic u raden.
Ende wildi dat doen 1c salt wel beschicken dattet comen sal in die gods
eere ende wild! mi ooc dat geven daer bi soudic uwer gedencken mijn
leefdage in mijn missen ende ander gebeden. Doe seyde Ulespiegel.
Lieve heere dat sal ic doen, comet weder na middage ic wil u seker wat
gelts geven. Die pape was verblijt ende ginc wech. Doe nam Ulespiegel
een steenen kanne ende dede die half vol stronts ende leyder op wat gelts
also dat den drec al bedect was. Ende na middage so quam die paep
weder ende seyde. Ulespiegel vrient ik ben hier, wilt ghi ml nu wat doen
so ghi mi geloeft hebt 1c wilt wel ontfangen. Doe seyde Ulesplegel. la ic
heere, ende Ulespiegel gaf hem die kanne ende seyde. Heere wildi huesschelic
nemen ende niet te gierich zijn ic soude u laten grijpen eenen
greep wt deser kannen dat ghi mijnder sout gedencken. Die paep seyde,
1c sal doen na uwen wille ende gripen opt nauste als ic can. Doe dede
Ulespiegel de kanne open ende seyde. Siet nu lieve heere die kanne is bi
na vol, grijpter een hantvol wt maer en tastet niet te diep. Die paep was
doe haestich, maer die giericheit bedrooch hem ende hi taste inde kanne
ende meende een goede hantvol daer wt te nemen, ende als hi gevoelde
dattet onder weec ende nat was so trac hi zijn hant weder wt, ende sach
datse bescheten ende vuyl was. Doe seyde die paep, ghi sijt een quaet
scale dat ghi so uwen biechtvader bedriecht in u uterste daer ghi in u
dootbedde ligget, si en dorven niet clagen die ghi in u ioncheit bedrogen
hebt: Ulespiegel seyde. Heere ic seyde u wel van te voren dat ghi niet te
diep grijpen en soudet, ende of u giericheit u bedrogen heeft dats mijn
scult niet, die paep seyde, ghi sijt een scale boven alle scalcken, conde ghi
u te Lubeke vander galgen spreken, ghi cont u tegen mi wel verantwoorden,
ende die pape ghinc wech ende liet Ulespiegel liggen, ende Ulespiegel
riep hem na dat hi tgelt mede nemen soude, maer hi en wilde niet
hooren.

VDK 1635* 10 - Eulenspiegel's Tricks. 10: De priester en de pot met geld.    VDK 1635* 10 - Eulenspiegel's Tricks. 10: De priester en de pot met geld.   

VDK 1635* - Eulenspiegel's Tricks    VDK 1635* - Eulenspiegel's Tricks   

ATU 1635* - Eulenspiegel’s Tricks    ATU 1635* - Eulenspiegel’s Tricks   

AT 1635* - Eulenspiegel's Tricks    AT 1635* - Eulenspiegel's Tricks   

Uilenspiegel is ziek en er komt een biechtvader langs die denkt veel geld te kunnen halen. Uilenspiegel schijt in een pot en legt er een paar muntjes overheen. De biechtvader mag later in de pot met geld graaien, maar moet zich wel inhouden. In plaats daarvan grijpt de priester vol in de pot en zit zijn hand onder de drek. Uilenspiegel reageert: ik had je gewaarschuwd om niet te hebzuchtig te zijn.

Van Ulenspieghels Leuen. Uitgegeven door Michiel Hillen van Hoogstraten in Antwerpen, ergens tussen 1525 en 1546.

Tijl Uilenspiegel    Tijl Uilenspiegel   

Lübeck    Lübeck