YPFOE384 - Weddenskip yn 't ligen

Weddenskip yn 't ligen
Yn Langwar wienen ris trije feinten, dy wedden meiïnoar. Wa't it bêste lige koe, hie frij gelach. De earste begûn: 'Ik foer fan 'e moarn mei it boat oer de Wiellen en doe dreau my dêr in slypstien temjitte'.
De twadde fertelde: 'Ik foer ek op 'e Wiellen en dêr kaam my in modderskûte tsjin mei in draaimole yn 'e fleugel'.
Doe wie de tredde oan bar. Hy sei: 'Ik ried fan 't winter oer de Wiellen en dêr kaam ik ynienen foar in grut wek fan wol tsien meter. Mar ik sprong der oerhinne. Doe kaam ik noch al ris foar ien, dat wie noch breder. Mar ik rekke der oer. By it lêste wek Iykwols is my dat mislearre—ik rekke der yn en ik bin fersûpt'.
Doe hie dy tredde it wûn.

AT 1920 - Contest in Lying    AT 1920 - Contest in Lying   

ATU 1920 - Contest in Lying.    ATU 1920 - Contest in Lying.   

Drie mannen overtreffen elkaar in het liegen. De eerste zegt dat hij tijdens het varen een slijpsteen tegenkwam. De tweede zegt dat hij een modderschuit, met een wimpel waarop een draaimolen stond, tegenkwam. en de derde won de weddenschap met zijn verhaal dat hij over twee wakken was gesprongen van wel tien meter. De derde wak was echter te veel en hij verzoop.

Ype Poortinga: De foet fan de reinbôge. Fryske folksforhalen. Baarn [etc.] 1979, blz.373-374

23 februari 1973

Contest in Lying

2013-03-01 14:46:20