CJ004708 - De snoade boeredochter

De snoade boeredochter.
Der wie ris in koaning, dy woe trouwe. Mar it moest in frou wêze dy't o sa tûk en fornimstich wie. Dêrom liet er bikend meitsje dat deselde mei hwa't er trouwe woe, dy moest by him komme net yn 'e klean en net út 'e klean, net op 'e groun en net fan 'e groun.
Nou wenne der yn it ryk in boeredochter. Dy wie tige snoad. Sy tochte, ik mat it mar us bisykje. Doe gong se hinne en die netten om har hinne, oars neat. En sy gong op in wyt geitsje sitten en sa ried se nei it paleis ta, mei nouris de iene skonk op 'e groun, dan de oare wer.
De koaning wie tige mei syn wyfke ynnom en it woarde al gau brulloft.
In skoftlang bûtere it bêst tusken dy beiden. Mar nei forrin fan tiid woe de koaning har wol slite. Hy sei tsjin har, sy moest it paleis forlitte. Mar, sy mocht der út meinimme hwat se it allerleafste hie.
Doe joech de koaninginne dy jouns in ôfskie-feest. Dêr wie de koaning fansels ek by. Sy skonk de koaning hyltyd wer de romer fol en soarge der foar dat er goeije sterke drank krige. Fan al dy drank rekke de koaning op it lêst bidwelme. Doe liet se him yn 't rydtúch drage en brocht him sa by har âlden thús.
Doe't de koaning wekker woarde, sei er: Hwer bin ik? En hoe kom ik hjir?
Doe sei se: Ik mocht út it paleis meinimme hwat ik it alderleafste hie. Datselde wie fan my. Nou, dat haw ik dien.
De koaning waerd oandien troch dy wurden. Sa'n fornimstige frou moest er greatsk op wêze. Dat doe binne se togearre wer nei it paleis ta riden en sy ha noch hiel lang en gelokkich libbe.

AT 0875 - The Clever Peasant Girl    AT 0875 - The Clever Peasant Girl   

ATU 0875 - The Clever Farmgirl    ATU 0875 - The Clever Farmgirl   

Slimme boerendochter voldoet aan eisen van koning dat vrouwen die met hem willen trouwen naar het paleis moeten komen, niet gekleed en niet ongekleed, niet op de grond en niet boven de grond. Zij is in een net gewikkeld, zittend op een witte geit en afwisselend met een been op de grond. Na verloop van tijd wil de koning dat ze het paleis verlaat, maar ze mag het allerliefste meenemen. Op het afscheidsfeest geeft ze de koning zoveel drank dat hij bedwelmd raakt, en brengt haar naar haar ouders. De volgende ochtend zegt ze tegen hem dat ze het allerliefste uit het paleis heeft meegenomen. De koning is trots op haar, en gaat met haar terug naar het paleis.

Corpus Jaarsma, verslag 47, verhaal 8 (Archief Meertens Instituut)

J1111.4 - Clever peasant daughter.    J1111.4 - Clever peasant daughter.   

H373 - Bride test: performance of tasks.    H373 - Bride test: performance of tasks.   

H1051 - Task: coming neither on nor off the road.    H1051 - Task: coming neither on nor off the road.   

H1054 - Task: coming neither naked nor clad.    H1054 - Task: coming neither naked nor clad.   

J1545.4 - The exiled wife’s dearest possession.    J1545.4 - The exiled wife’s dearest possession.   

10 juni 1966

The Clever Peasant Girl

2013-03-01 14:46:21