JVENK0073_0074_10063 - Vrouw zonder kop

In Dilsen is ’n Muelestraat, as der van de auw kèrk in de richting van Ruotem gaot. Dat verongerstelt dus dat dao ’n muele geliègen haet in de nabijheid. Die muele moot geliège höbben op de Zoerbièk. Die kaam oet het Zoerveljd woe vreuger het Tumbrook zich oetstrekde. Die bièk ontsprong in den Helleput. Dat waas dao woe die muele gestangen hauw, woë dat raad gedrejd haet. Wujer (verder) leep die bièk dan in de richting van het kestiël van Ruotem en dao leep ze in de Kokbièk die aan den angere kant van het Kraovert leep en same richde ze zich dan nao het Aldewater. De minse zègge now het "Hannewater" maa het waas het "Aldewater". Dat is nog ’n ueverbliefsel van de Maas van vreuger wie ze nog langs Dilsen draef en Ruotem. Want die spuore van die bèdding zien nog sjoen zichtbaar in Dilsen, dao woe die bièk luip.In den tied van de Franse Revolutie zien de lukenaere ouch in opstand gekomme en die trekke pertiej vuer de Franse. Die zeen tot in Dilse gekomme en die höbbe de minse verplicht van hun boête (boten) die op de Maas luoge, vol huij (hooi) en struu (stro) te levere. Dao wuore ter die dao weigerig tiègenuever stongen en dao gei gevolg aan gave… Zoe höbbe ze dao ’n hoes in brand gestuoke. Dao zien twie of dreij jonge in verbrand van bènne. En ze höbbe ouch ’n vrouw vermaord, waarsjienlich ouch oet dat hoes en die höbbe ze in dae Hellepöt (molepöt) verdronke. En later is dao ’n legende oet ontstange dat die vrouw zonger kop ’s aoves duor het Tumbrook ronddwaalde.

SINSAG 0311C    SINSAG 0311C   

Tijdens de Franse Revolutie hebben de Luikenaren in Dilsen een huis in brand gestoken en een vrouw vermoord. Het lijk van de vrouw werd in de Helleput (Molenput) gegooid. Later vertelden de mensen dat er 's nachts een vrouw zonder hoofd door het Tumbrook dwaalde.

J. Venken, Leuven, 1968

1.4 Luchtgeesten

limburgs (maasvallei)

32

Franse Revolutie

fabulaat

Franse Revolutie    Franse Revolutie   

Tumbrook (Dilsen)    Tumbrook (Dilsen)   

Helleput (Dilsen)    Helleput (Dilsen)   

Luikenaar    Luikenaar   

Molenput (Dilsen)    Molenput (Dilsen)   

Hasselt    Hasselt   

Dilsen    Dilsen