MNIJS0121_0122_19167

Nesten Praet aat e muul (muilezel), mo Nesten, ja, nateurlik, vo datten no ze bedde goenk, die muul was goed geboen(den) en stoend in de stal, en je kreegt ie eten. Die vint en wiste nie dat die muul oltend (altijd) ip route was. ’s Nuchtends stoenden tie dor oltend were. En Zuultje Verdeure zegt ip e maandagnuchtend e kir tegen Nesten Praet: "Ernest," zegten, "’k èn vannacht je muul tegengekommen." "Wadde," zegt Nest, "j’è gie mien muul, en ‘k èn ik nie weggewist." "’k En ik joen muul tegengekommen, joen muul is nooit thuus", zegten. "Joen muul is alle nachte ip route", zegten. "Mo, zegten, ‘k vien da rare. Da’s gin woa." "Toetoet," zegt Zuul, "dat is woa." "Nu, de maandagnacht, zegt Nest, ‘k gon e kir ipstaan", je koste do nie van slapen (…) Nesten stot ip en trekt die achterdeure open en da muul ze stal was rechte vo die achterdeure, (…) en die deure was open en in de middel van de deure stot er do e kèèrse te bran(den) die oltend mo van den dien doet, oltend mo dansen. Zo, Nesten nateurlik, rechte die deure were toe ee en da gon zeggen tegen Sylvie ee en die menschen dosten nateurlik uut under bedde nie mi kommen ee, die kèèrse die dor altend mor azo stoend te wuppen en die deure helegan open. ’s Nuchtends nateurlik, ’n eure eer ipstaon dan dan ze moesten ipstoan, in platse van te vieren, ten drien ee. En die muul stoend in da stal en die deure was toe en die kèèrse was weg. Mo’k veroenderstellen da Zuultje Verdeure hem da gelapt èt. En zieder zein ton ook dat da spokerieë en toverieë was ee (…)

SINSAG 0750 - Andere Zauberei.    SINSAG 0750 - Andere Zauberei.   

Een boer die een muilezel had, bond het dier 's avonds altijd vast in de stal. Op een maandagochtend sprak een buurman tot de boer: "Ik heb vannacht jouw muilezel zien lopen. Jouw muilezel is 's nachts altijd op pad". Aanvankelijk geloofde de boer niets van het verhaal, maar de volgende nacht besloot hij toch de proef op de som te nemen. De boer stond op en stelde vast dat zijn muilezel niet in de stal stond. In de stal was wel een klein dansend lichtje te zien. 's Ochtends was het lichtje verdwenen en stond de muilezel weer in de stal. De mensen geloofden dat die buurman daar iets mee te maken had. Hij kon misschien toveren.

M.-R. Nijsters, Leuven, 1969

1.3 Vuurgeesten

west-vlaams (nw van houtland)

53.9

fabulaat

Gistel    Gistel