STOP0147_0148_21001

Uze paster hier, zei datten e keer e vromens gezien had die van de duvel bezeten wos. ’t Wos geen menschge meer. Ze brochten ze dor binnen. Z’an d’er vroeger ol mee nor de paster van Sint-Pieter geweest van Ieper. De paster mochte dat doen van de bisschop om die duvel weg te doen. Die paster dei dat lik niet geren want ne peinsde datten toene ging e schup èn oender zijn broek enne ging nor èn oed patertje. Die pater moste eerst vele dagen lezen en vasten. En toen mochten gon nor dat vromens en dormee begunnen. En ze wos zij dor gebrocht. En ’t schuum kwam dor uut heur moend. Die pater vroeg, ollemale in ’t Latijn, hoe dat de duvel dor gekommen wos. En dat vromens antwoordde: "Deur ’t eten van èn appel." En de pater zei datten moste vertrekken. En de duvel zei: "Lat mijn nog e bitje." "Neen", zei de pater. De katte zat dor in den hoek van de kamer. Dat vromens viel dor omme en ’t kwam dor lik e krinkel uut en die krinkel vloog lik nor wor dat die katte zat. Die katte wos weg en z’èn ze nooit meer gezien. Dat vromens e toen nog wat gelegen mor ze zag niet meer of. En o ze were goed wos, ze wos blij. De paster die dat verteld et an mijn zei, dat dat vromens toch etwot moste gedon èn woran dat ze schuld had.

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

De pastoor moest de duivel uitdrijven bij een vrouw die bezeten was. Men was al eerder met die vrouw naar een andere pastoor geweest. De pastoor had van de bisschop de toestemming gekregen om de duivel uit te drijven. Omdat de pastoor bang was, ging hij eerst naar een oude pater die vele dagen moest bidden en vasten. Daarna kon de pastoor aan zijn taak beginnen. De vrouw had schuim op haar lippen. Toen de pater in het Latijn vroeg hoe de duivel bij haar was gekomen, antwoordde ze: "Door het eten van een appel". De pastoor zei dat de duivel moest vertrekken. Daarop antwoordde de duivel: "Laat mij nog even hier blijven". In de hoek van de kamer zat een kat. Op die plaats viel de vrouw om. Een kringvormige verschijning vloog naar de plaats waar de kat zat. Daarna verdween de kat. Men heeft het dier nooit meer weergezien. Een tijdje later was de vrouw genezen.

S. Top, Leuven, 1964

3.1 Duivels

west-vlaams (vrijbos)

74H

fabulaat

Latijn    Latijn   

Woumen    Woumen   

Woumen    Woumen   

Sint-Pieter (Ieper)    Sint-Pieter (Ieper)