Hoofdtekst
As der in frijmitselder dea giet, is er oan 'e duvel oerlevere.
It gebeurde us dat der twa spantsjes op 'e bolderwein nei Ljouwerter merke west hienen.
Underweis nei hûs ta stutsen se hast rounom oan; dêr't mar drank tape woarde. De froulju krigen dêr har nocht fan, dat doe't se op Hústerheide nòch us stilhâldden, bleauwen de froulju yn 'e wein sitten.
Wylst dy froulju dêr sa sieten, kommen der in pear feinten fan Burgumerheide by har. De manlju yn 'e herberch woarden dat gewaer en wienen doe gau by de wein. It soe al hast op in fechtsjen gien ha, mar doe die bliken, ien fan 'e feinten wie in neef fan ien fan 'e twa troude manlju.
De neef sei: "Der sil dy gjin kwea dien wurde."
"Dat moest der ek noch by komme", sei de oare.
"Net to lûd," sei doe de earste wer, "wêz foarsichtich."
Sy rieden fierder en sa kommen se op Burgumerdaem.
Dêr stie oan 'e iene kant fan 'e wein in deafet, oan 'e oare kant stienen twa mannen.
"Goejoun", seinen deselden yn 'e wein.
Mar sy krigen gjin antwurd.
Doe sei ien fan deselden út 'e wein hwat foars: "Miene jimme, dat de skonken langer mei kinne as de mûle?" Doe't er dat sein hie, kommen de beide hearen gleon op 'e wein ta en gongen elk op ien fan 'e fjilden stean.
De hynders woarden fjûrbinaud en de wein gong kantroerend by de beammen lâns. De froulju knypten de egen ticht fan binaudens.
De sneins dêroan hearden se yn 'e tsjerke, dat op 'e Burgumerdaem, dêr tôgen nachts altyd twa duvels mei in kiste om. Yn dy kiste lei in frijmitselder. Dy kiste woarde yn in boat oerbrocht en sa oer it wetter fearn.
Dy duvels hienen hja misledige.
It gebeurde us dat der twa spantsjes op 'e bolderwein nei Ljouwerter merke west hienen.
Underweis nei hûs ta stutsen se hast rounom oan; dêr't mar drank tape woarde. De froulju krigen dêr har nocht fan, dat doe't se op Hústerheide nòch us stilhâldden, bleauwen de froulju yn 'e wein sitten.
Wylst dy froulju dêr sa sieten, kommen der in pear feinten fan Burgumerheide by har. De manlju yn 'e herberch woarden dat gewaer en wienen doe gau by de wein. It soe al hast op in fechtsjen gien ha, mar doe die bliken, ien fan 'e feinten wie in neef fan ien fan 'e twa troude manlju.
De neef sei: "Der sil dy gjin kwea dien wurde."
"Dat moest der ek noch by komme", sei de oare.
"Net to lûd," sei doe de earste wer, "wêz foarsichtich."
Sy rieden fierder en sa kommen se op Burgumerdaem.
Dêr stie oan 'e iene kant fan 'e wein in deafet, oan 'e oare kant stienen twa mannen.
"Goejoun", seinen deselden yn 'e wein.
Mar sy krigen gjin antwurd.
Doe sei ien fan deselden út 'e wein hwat foars: "Miene jimme, dat de skonken langer mei kinne as de mûle?" Doe't er dat sein hie, kommen de beide hearen gleon op 'e wein ta en gongen elk op ien fan 'e fjilden stean.
De hynders woarden fjûrbinaud en de wein gong kantroerend by de beammen lâns. De froulju knypten de egen ticht fan binaudens.
De sneins dêroan hearden se yn 'e tsjerke, dat op 'e Burgumerdaem, dêr tôgen nachts altyd twa duvels mei in kiste om. Yn dy kiste lei in frijmitselder. Dy kiste woarde yn in boat oerbrocht en sa oer it wetter fearn.
Dy duvels hienen hja misledige.
Onderwerp
TM 2900 - Vrijmetselaars 
TM 2900 - Vrijmetselaars 
Beschrijving
Als er een vrijmetselaar sterft, is hij aan de duivel overgeleverd. Twee stelletjes op een wagen zien eens twee mannen met een doodskist langs de weg staan. De mannen geven geen antwoord op hun groeten. Het blijken twee duivels met een dode vrijmetselaar te zijn. Ook 's nachts schijnt dit vaak te gebeuren. De kist met de overledene wordt in een boot over het water gevaren.
Bron
Collectie Jaarsma, verslag 189, verhaal 8 (archief MI)
Commentaar
1951
Vrijmetselaars
Naam Overig in Tekst
Ljouwerter
Ljouwerter
Burgumerdaem
Burgumerdaem
Naam Locatie in Tekst
Ljouwert
Ljouwert
Hústerheide
Hústerheide
Burgumerheide
Burgumerheide
Datum Invoer
2013-03-01 14:46:21