EGGEN001303 - het spook van de Weerterhof

Onderwerp : het spook van de Weerterhof
Plaats : Weerterhof - Meers.
Tijd : begin 20ste eeuw.

Sjeng Bröls en Klaos Salden va Bèèk waore in die ruunde hieneve 't ein of ander aan 't doon. Noe zouw 't dao sjpwoake.
Eine van die twië waor mèt den helm gebore, wie m'n dat zaet, dus dao waor get meugelik.
Allà, ze höbbe dao innigen tied gewèrrik, good gemoeld, tot dae Klaos onderins geit sjtamele, zwao, houwerwaegs 'n zin.
Wat waor noe? Veur 'nen ouwen ove wat in die kamer sjtong, houw zich eine laote zeen.
"Sjeng, 'ne geis, dao, zuustem?!", zag Klaos. "Ich zeen niks", zag dae. Doe kaom d'n angs pas good door; Klaos sjprong, tössje de spiele door, nao boete. Door 't vinster! Dae waor ieskoud van de sjrik.
Veer kiër is dat sjpwoak dao zwao oet de grond opkome.
Wie dat sjpwoak oetzaog? Nou, dat waor 'ne minsj van, houwerwaegs de daartig, met broen kleijer en 'n nomdedsjuke (vlinderdasje).
De moder van mich geleufde dat allemaol neet zwoa erg. Tegen dae Klaos houw ze gezag, tot er zich dae keel weer leet zeen, 'r zegke mòs: "Wat verlank geer van mich en de waereld?".
Mèh dat haet nwoats gehove, want 't sjpwoak haet zich neet mjè laote zeen.
Mèh 't mot dao nog zitte!

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

Zien en beschrijving van spook.

Collectie Eggen, verslag 13, verhaal 3 (Archief Meertens Instituut)

Sjeng Bröls    Sjeng Bröls   

Klaos Salden    Klaos Salden   

Beek    Beek   

Meers    Meers