VRIES002903

Op "Vaartwiek" (Vaartwijk); zie ook verslag nr I 112-26) weunden den Ouwen Piet de Putter.
In 't schapestal lagen een ele partij èrpels. Wider zaten daar èrpels uut te zoeken.
Terwielen à je da zat begonnen d 'er èrpels rond te vliegen.
't Ouwe Dirkje vanDrommelen zat ook in de schure in wider wisten wè dat Dirkje da dee.
Dà duurden een dag of viere. Dà kwamen d 'er vee uut Axel in uut de buurte uut nieuwsgierigheid kieken. Ze geloofden d 'er nie in; ze wouwen 't eest zelf ziene.
Ma da waren der bie die buulen op udder kop aden van d èrpels die d 'er tegenanvlogen.
Da gebeurden da nog wè meer van die rare diengen.
A wieder op 't land werkten dan gieng da bie de roe, da wi seggen: me wieren per roe betaald.
Je was soms mee een ele kooie in dan schreef Dirkje nummers 1 - 20 op papiertjes, die me zelf dicht mosten vouwen; dan wier 't land verdeeld. In à je dan trok dan kreeg je papiertjes mee allema tweetjes, in drietjes of viertjes derop!
In m 'n aden toch duidelik gezien datter goeie ciefers op stongen. Ma da lapten Dirkje 'n um, weet je!
In dat liet ie ons weer is trekken, ma dan kreeg je goeie nummers.
Dan gebeurden 't wè, a j 'an 't graan sniejen was mee de sikkel, datter allema jonge wilde kenientjes tussen je benen deurliepen, maar à-je der na pakten kon je d 'er nooit eentje vastkriegen.
In da was Dirkje z 'n schuld!

SINSAG 0750 - Andere Zauberei.    SINSAG 0750 - Andere Zauberei.   

SINSAG 0675 - Steinregen. Steine (Erdschollen, Kohlstrünke, Getreide) von unsichtbaren Händen geworfen.    SINSAG 0675 - Steinregen. Steine (Erdschollen, Kohlstrünke, Getreide) von unsichtbaren Händen geworfen.   

Tovenaar laat aardappels rondvliegen, betovert cijfers en tovert ongrijpbare konijnen.

Collectie De Vries, verslag 29, verhaal 3 (Archief Meertens Instituut)

Vaartwiek    Vaartwiek   

Vaartwijk    Vaartwijk   

Dirkje van Drommelen    Dirkje van Drommelen   

Piet de Putter    Piet de Putter   

Axel    Axel   

Vaartwijk    Vaartwijk