VRIES005401

Joa, de vrouwe van Frans Dieleman, die kon 't oak, zeijen ze.
À men zuster daa weunden (diende) en à ze dan 's aves naa bed gieng, dan was 't net of ter èrpels over de zolder rolden.
Dan was ze wè bange, want ze zà dà wè geweten èn van vrouw Dieleman. Een meissen van eur eigen (een dochter van vrouw Dieleman) was ter in uus en dan konnen ze soms 't scheel van de pappot d 'er nie afkriegen. Toen is z 'uut d 'er uure gegaan (ze heeft haar dienst opgezegd) en toen was dà wuuf kwaad "van eigen" (natuurlijk).
's Morges om een uur of zesse is z 'à weggegaan.
De mensen die à ze tegenkwam, daa zei ze niks tegen en toen was 't saves een uur of negene voor à ze thuus was.
Toen was ze dicht bie uus àn 't Vlietje en toen zag z 'een bolle vier (vuur) en toen was ze 't kwiet! (toen was 't over)
Joa, want ze kon ezelen oor! (plagen) Maa toen woonden z 'al op den (H)oek weet-je.
Toen à ze nog onder Zaamslag weunden in den Drieweg dee ze 't oak à.
Dà gebeurden, à-ter somtieds een boerewagen vôbie ree, dan duinsden (deinsden) de pèrden achteruut, soms den dulf in en dan viel-ter toch geen schove af.
En dà dee dà wuuf; en dà waren van eigen altied wagens van een ander. ('k èn dad allemaa van "oorenzeggen" van eigen!)
Daar aa-je Buutelèr (Butler), die ei-je wè gekend, die weunden ier bie Noten (Othene) àn 't Sluusje.
Die aa land liggen eelemaa op 't Spui-je (gehucht tussen Terneuzen en Axel). Om daa naa toe te gaan most ie langst de stee van Frans Dieleman en zo vèder (verder) over de Kragebrugge.
Frans Dieleman die weunden toen nog onder Zaamslag, weet-je.
À-tie trugkwam dan was 't à donker in 't najaar.
Dan aa-tie z 'n ploeg daa laten staan.
Toen à tie in de straate kwam vôbie Dieleman zag tie een wit pèrd kommen mee een vent d 'er op en die aa geen kop!
En die wier van eigen bange.
Die ree zoo (h)ard à-tie kon "schèrlewietz" (scherlings/schrijlings) naar uus.
M 'en broer Piet, die werkten oôk bie Buutelèr en die kwam achteran mee-te karre.
Die was bange à-tie daa vôbie gieng en die kroop eelemaa van achter in de karre.
En toen keek-tie in de lucht en toen zag tie allemaa droog goed en lakens in de lucht waaien. En die (h)iengen nerges an vast.
Die ree ook gauw naar uus, maa die is veê bange gewist oor!

SINSAG 0580 - Andere Hexenkünste    SINSAG 0580 - Andere Hexenkünste   

SINSAG 0540 - Hexe führt irre    SINSAG 0540 - Hexe führt irre   

SINSAG 0541 - Hexe lässt Wagen vom Deich (Weg) fallen    SINSAG 0541 - Hexe lässt Wagen vom Deich (Weg) fallen   

SINSAG 0608 - Andere Begegnungen mit Hexentieren.    SINSAG 0608 - Andere Begegnungen mit Hexentieren.   

Diverse gevallen van betovering door heks.

Collectie De Vries, verslag 54, verhaal 1 (Archief Meertens Instituut)

Frans Dieleman    Frans Dieleman   

Buuteler    Buuteler   

Butler    Butler   

Hoek    Hoek   

Zaamslag    Zaamslag   

Drieweg    Drieweg   

Spuije    Spuije   

Zaamslag    Zaamslag   

Hoek    Hoek