VRIES006005 - ZWARTE KUNST RONDOM ZAAMSLAG.

ZWARTE KUNST RONDOM ZAAMSLAG.

Daar liep vroeger een padje van 't Turp naar de Groenstrate.
Daar in de buurte ei moeder vroeger geweund. A moeder in 't schemerdonker langs dà padje liep, stond d 'er wel is een klein sliepsteentje mee een bakje water d 'er onder. En da dieng stong zomaa te draaien, zonder datter iemand ankwam.
Ze zei dà thuus en der broers zeien: "daa moe je nie meer langs lopen (h)oor!"
't Gebeurden ook wè, dat ze swinters de waste (was) op zolder te drogen iengen (hingen) en dan was 't daa boven soms een leven as een oordeel. Toen à ze giengen kiekken zagen ze de kousen gewoon rechtop over de zolder lopen. d 'Er schoonmoeder, waar ze bie weunden wier bange vaneigen (vanzelf).
D 'er broers zeien: "Dà moe je weg laten nemen (h)oor (het spook bedoelden ze). Dà kon j 'afkopen. Daar ei toen dokter vandenBrug voor gezurgd; die was in de plekke (plaats) gekommen van dokter Hartman.
Die was jaren lang in Indië gewist en die kon 't ook! (zwarte kunst) Dan most je (h)onderd gulden betalen!
Den dokter zei: "noe moe je vanavend nie bange wezen (h)oor, want 't zal wel een groot lawaai maken."
En ja (h)oor, saves was 't net of 't een zwaar onweer was op zolder, en of alles deur mekare geslingerd wier.
Maa 't was klaar mee 't gespook, weet-je!
Noe vergat ik nog wà te vertellen wat er nog is gebeurden:
't Is gebeurd op een nacht, dà z 'altied maar iets over de zolder (h)oorden lopen, een katte of een ratte dochten ze.
Toen ze naa boven giengen zagen ze niks, en toen ze weer in de bedstee lagen, kwam ter een zwarte katte die op z 'n achterpoten stong mee z 'n poten op de bedsteeplanke.
Moeder kroop onder 't laken, maa vader aa niks gezien.

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

SINSAG 0580 - Andere Hexenkünste    SINSAG 0580 - Andere Hexenkünste   

SINSAG 0750 - Andere Zauberei.    SINSAG 0750 - Andere Zauberei.   

SINSAG 0608 - Andere Begegnungen mit Hexentieren.    SINSAG 0608 - Andere Begegnungen mit Hexentieren.   

Gevallen van toverij en spokerij, afkopen van betovering door betaling aan dokter die kan toveren, zwarte kat in bedstee.

Collectie De Vries, verslag 60, verhaal 5 (Archief Meertens Instituut)

Zie ook VRIES006007

Groenstrate    Groenstrate   

van den Brug    van den Brug   

Hartman    Hartman   

Indië    Indië   

Turp    Turp   

Zaamslag    Zaamslag