CJ022702

In arbeider hie in kontrakt mei de duvel sluten. Hy hie in stik jild fan 'e duvel krigen, mar dan soe de duvel him letter ophelje. Dat wie op dy en dy dei nei twintich jier.
Doe't de twintich jier omtrint om wienen, woarde it de man raer yn 't liif. Yn syn binaudens frege hy de boer om rie. De boer wie wol bitûft en dy sei tsjin him: "Ik sil dy wol helpe, sit mar net yn noed. "Sjoch," sei er, "dû mast alle rogge, dy't wy noch ha nei de souder ta tôgje."
De arbeider die dat. It woarde in hiele greate bult. Doe sei de boer: "Nou moatstû dêr dy deis yn krûpe. Rogge is heilich, dêr kin de duvel dy noait út krije."
Op 'e dei dat de duvel him helje soe, kroep de man yn 'e roggebult, allinne syn holle kom der boven út.
De duvel kaem der oan en rikke mei syn klauw nei de bút, mar hy koe him net birikke. Yn 'e rogge doarst er net to kommen.
Doe't de dei om wie gong er fuort en doe koe de arbeider wer tofoarskyn komme. Hy wie frij man.

TM 3103 - Heilige rogge    TM 3103 - Heilige rogge   

Een man had zich om een geldstuk aan de duivel verkocht. De afspraak was dat de duivel hem dan over twintig jaar op een bepaalde dag zou ophalen. Twintig jaar later voelde de man zich een keer niet zo lekker. Een boer gaf hem de raad in een grote hoop rogge te gaan liggen. Toen de duivel kwam, werd deze tegengehouden door de rogge. De volgende dag kwam de man uit de rogge. Vanaf nu was hij vrij.

Corpus Jaarsma, verslag 227, verhaal 2

1 maart 1966

Heilige rogge

2013-03-01 14:46:21