Hoofdtekst
Dominy syn pappegaai
Yn 'e oarloch wienen der Iju, dy hienen in pappegaai kocht. Se besochten him it praten te learen, mar se wienen der noch net botte fier mei foardere. Hy koe oars noch net sizze as: 'Hitler is dood'. Doe op in moarntiid krigen se hússiking fan 'e Grüne Polizei. Dêr sieten se net bot oer yn, want se hienen neat yn 'e hûs dêr't se mei snapt wurde koenen. Mar de pappegaai hie it heechste wurd, hy die oars net as skreauwe fan: 'Hitler is dood, Hitler is dood!' Dat sinnige dy Dútsers min en se seinen: 'Wy sille dit trochjaan en moarn komme wy wer. De kommandant komt mei en as dy konstatearret, dat dizze pappegeai ferkearde taal sprekt, den nimme wy him yn beslach en jim moatte ek mei'.
Dy minsken wienen bang. Se ornearren: 'Dy pappegaai kin oars neat sizze. Dat komt moarn ferkeard'. Mar doe sei de man: 'Der komt my wat yn 't sin. Us dominy hat ek in pappegaai; as wy no ris ruilje koenen. Dy pappegaai sil gjin ferkeards sein ha, dat dêr komme se net wer'.
Deselde jûns ruilen se noch fan pappegaai. En dy man en dy frou wisten net, dat dominy syn pappegaai prate koe. Dêr hienen se him net oer heard, en de pappegaai sei ek gjin sprek by dy frjemde minsken. De oare moarns dêr wienen de Dútsers. Se sprongen wakker foar de kouwe om, om de fûgel út te lokjen, dat er mar sizze soe fan: 'Hitler is dood!' Mar de pappegaai hâlde him sa stil as in mûs. Op 't lêst sloegen se mei de fûst tsjin 'e kouwe en se rôpen: 'Hitler is dood, Hitler is dood!' De pappegaai dûng neat. It duorre net lang doe stienen der trije man foar de kouwe te skreauwen fan: 'Hitler is dood, Hitler is dood!' Doe die de pappegaai de bek iepen. En wat sei er? 'Laat ons samen danken'.
Yn 'e oarloch wienen der Iju, dy hienen in pappegaai kocht. Se besochten him it praten te learen, mar se wienen der noch net botte fier mei foardere. Hy koe oars noch net sizze as: 'Hitler is dood'. Doe op in moarntiid krigen se hússiking fan 'e Grüne Polizei. Dêr sieten se net bot oer yn, want se hienen neat yn 'e hûs dêr't se mei snapt wurde koenen. Mar de pappegaai hie it heechste wurd, hy die oars net as skreauwe fan: 'Hitler is dood, Hitler is dood!' Dat sinnige dy Dútsers min en se seinen: 'Wy sille dit trochjaan en moarn komme wy wer. De kommandant komt mei en as dy konstatearret, dat dizze pappegeai ferkearde taal sprekt, den nimme wy him yn beslach en jim moatte ek mei'.
Dy minsken wienen bang. Se ornearren: 'Dy pappegaai kin oars neat sizze. Dat komt moarn ferkeard'. Mar doe sei de man: 'Der komt my wat yn 't sin. Us dominy hat ek in pappegaai; as wy no ris ruilje koenen. Dy pappegaai sil gjin ferkeards sein ha, dat dêr komme se net wer'.
Deselde jûns ruilen se noch fan pappegaai. En dy man en dy frou wisten net, dat dominy syn pappegaai prate koe. Dêr hienen se him net oer heard, en de pappegaai sei ek gjin sprek by dy frjemde minsken. De oare moarns dêr wienen de Dútsers. Se sprongen wakker foar de kouwe om, om de fûgel út te lokjen, dat er mar sizze soe fan: 'Hitler is dood!' Mar de pappegaai hâlde him sa stil as in mûs. Op 't lêst sloegen se mei de fûst tsjin 'e kouwe en se rôpen: 'Hitler is dood, Hitler is dood!' De pappegaai dûng neat. It duorre net lang doe stienen der trije man foar de kouwe te skreauwen fan: 'Hitler is dood, Hitler is dood!' Doe die de pappegaai de bek iepen. En wat sei er? 'Laat ons samen danken'.
Onderwerp
VDK 0237D* - "Hitler is dood!" 
VDK 0237D* - "Hitler is dood!" 
Beschrijving
In oorlogstijd hebben mensen een papegaai gekocht en ze proberen hem te laten praten. Het enige wat hij kan zeggen is 'Hitler is dood'. Op een dag krijgen ze bezoek van Duitse grondpolitie. Het zint ze niet dat de papegaai dit zegt en beloven dat ze morgen terugkomen met de commandant. Als hij zo blijft praten, worden de mensen zelf ook meegenomen. Dat willen ze niet en daarom ruilen ze hun papegaai met die van de dominee, waarvan ze niet weten dat hij kan praten. De Duitsers komen weer langs en nadat drie mannen trachten de papegaai te laten praten, zegt deze uiteindelijk: 'Laat ons samen danken'.
Bron
Ype Poortinga: De foet fan de reinbôge. Fryske Folksferhalen. Baarn (etc.) 1979, p.409
Commentaar
31 mei 1972
'Hitler is dood'
Naam Overig in Tekst
Hitler
Hitler
Duitser
Duitser
Grüne Polizei
Grüne Polizei
[Tweede Wereldoorlog]
[Tweede Wereldoorlog]
Datum Invoer
2013-03-01 14:46:20