CJ052611

Minse Griper wenne hjir tichteby. Minse wie èk jager. Ik gong ris in kear mei him op stap. Wy soenen to jeijen. Minse hie 't gewear by him en sa gongen wy togearre de lânnen troch. Mar ik stapte hyltyd midden yn 'e groppen, ik koe der noait oer komme, al hoe't ik myn bêst ek die. Dat wie Minse syn wurk.
Doe kommen wy op in stik lân, doe sei er: "Hjir is in hazze, dy woe 'k wol sjitte. Mar dan mat ik earst permisje fan 'e boer ha."
Doe gongen wy dêr togearre hinne. Dêr wie in frou oan 't tsjernjen. It minske hie't sa drok, dat hja switte der oer. Mar Minse koe gjin permisje fan 'e boer krije om dêr to jeijen.
Doe sei Minse: "Ik net jeije, dan jo gjin bûter."
Doe koe 't minske tsjernje sa bot as se woe, der kom gjin bûter. Dêr soarge Minse foar.
De oare moarns kom Minse wèr by dy boer.
"Hoe is 't boer," frege er, "mei 'k nou jeije?"
"Ja," sei de boer, "gean jou gong mar."
"Dan kinne jo wer tsjernje", sei Minse. Hy kom even mei it stokje oan 'e tsjerne nei't er earst mei dat stokje yn in poeltsje omreard hie. Doe koe 't minske wer tsjernje en krige se de bûter der út.

SINSAG 0750 - Andere Zauberei.    SINSAG 0750 - Andere Zauberei.   

Een tovenaar krijgt geen toestemming van een boer om te jagen. Voor straf zorgt de tovenaar ervoor dat het karnen de boerin niet lukt. Als de boer uiteindelijk toestemt in de jacht, raakt de tovenaar de karnton met zijn toverstokje aan. Nu lukt het karnen wel.

Collectie Jaarsma, verslag 526, verhaal 11 (archief MI)

1 december 1968

Andere Zauberei

Minse Griper    Minse Griper   

Minse    Minse   

2013-03-01 14:46:21