CJ115215

Der wie in dûmny dy hie op in joune preke. It wie in hiele moaije preek. Hy sei tsjin 'e lju: "jimme matte net krinterich wêze, hwant ik siz jim: dy't ien ding weijowt kriget it achtfâld werom." Der siet ek in skuonmakker ûnder syn gehoar, dy hie mar ien kou. Doe't er thúskaem, sei er tsjin 't wiif: "Wy bringe ús kou nei dûmny ta, dan krije wy acht werom. Dat hat er fan 'e jouns sein." "Altyd dwaen," sei 't minske, "wy kinne wol acht brûke." De skuonmakker sette mei de kou nei de pasterije ta. Dûmny wie der tige mei yn 't skik. Hy brocht de kou yn 't lân by syn eigen sawn kij. Mar de kou fan 'e skuonmakker wie tige gehecht oan syn baes en fielde him by al dy oare beesten ûnwennich. Dat hy briek troch de hekke hinne. En de oare sawn him achternei. Alle acht setten se nei it stikje lân fan 'e skuonmakker ta. De skuonmakker hearde se dy nachts wol balten. Hy sei tsjin 't wyfke: "It komt wol út, sa't dûmny sein hat, 't is allegear fé by ús yn 't lân."
De moarns bigjint er to melken. Under melken komt dûmny by him en seit: "Sa kin it net."
"O né?" seit de skuonmakker, "dan soenen jo in wurdbrekker wêze. Jo ha ommers sein: dy't ien ding weijowt kriget der acht foar yn 't plak."
Hja koenen 't net iens wurde togearre. Op 't lêst stelde de dûmny foar, deselde dy't de oare deis it earst 'moarn' sizze soe tsjin 'e oare, dy soe de acht kij ha. Dat naem de skuonmakker oan. Hy tocht: dat mat ik àl winne. Hy gong hinne en roun dyselde jouns doe't it tsjuster wie it hiem fan 'e pasterije op en doe klom er yn in beam dy't foar 't hûs stie. Doe't er dêr yn siet hie er krekt it gesicht op 'e sliepkeamer fan 'e faem. Dêr brânde it ljocht yn. Hy koe alles sjen. Hy seach dat de faem har útklaeide. Fuort dêrnei kaem de dûmny der yn en dy klaeide him ek út.
Hja stienen beide spierneaken tsjin inoar oer.
Doe wiisde de faem op dûmny syn lytse man en sei: "Hwat ha jo dêr?"
"Dat is de paus", sei doomny.
Doe frege de dûmny oan 'e faem: "Hwat ha jo dêr?"
"Dat is Rome", sei de faem.
Doe sei de dûmny: "My tinkt, wy matte de paus mar nei Rome stjûre." En dat gebeurde.
De oare moarns kaem de dûmny der al yntiids út. Hy sjocht om him hinne en wol de kant út nei 't hûs fan 'e skuonmakker. Mar de skuonmakker ropt gau út 'e beam wei: "Goeije morgen, dûmny."
"Och heden," seit dûmny, "binne jo dêr nou al? Hwat binne jo bitiid."
"Neame jo dat bitiid?" seit de skuonmakker, "ik siet hjir al, doe't de paus nei Rome tagong."
"Stil, stil," sei de dûmny, "de acht beestjes binne jowes."

AT 1735 - "Who Gives his Own Goods shall Receive it Back Tenfold"    AT 1735 - "Who Gives his Own Goods shall Receive it Back Tenfold"   

ATU 1735 - “Who Gives his Own Goods Shall Receive it Back Tenfold.”    ATU 1735 - “Who Gives his Own Goods Shall Receive it Back Tenfold.”   

Een dominee drukt in de preek zijn gemeenteleden op het hart vooral niet krenterig te zijn. Diegene die iets weggeeft, krijgt het in achtvoud terug, aldus de dominee. Een arme schoenmaker is geraakt door de woorden van de dominee en besluit zijn enige koe aan de dominee te geven om er acht koeien voor terug te krijgen. De dominee is erg blij met de koe en zet het dier bij zijn eigen zeven koeien in de wei. Omdat de koe die eerst van de schoenmaker was erg gehecht is aan zijn oude baas, breekt hij door het hek heen op weg naar het stukje land van de schoenmaker. De zeven koeien van de dominee volgen de losgebroken koe. De volgende dag is de schoenmaker in het bezit van acht koeien. Als de dominee langskomt om te protesteren, zegt de schoenmaker dat de dominee zijn woord niet mag breken. De dominee wil hierop een wedstrijdje met de schoenmaker aangaan: wie van hen de volgende ochtend de ander het eerst 'goedenmorgen' wenst, krijgt de acht koeien. De schoenmaker klimt die avond nog in een boom voor het huis van de dominee. Vanuit de boom kan hij precies zien en horen wat er in de slaapkamer van de meid gebeurt. Hij ziet eerst de meid zich uitkleden en vervolgens ook de dominee die zich van zijn kleren ontdoet. De meid en de dominee gaan naakt tegenover elkaar staan en het meisje vraagt wat de dominee tussen zijn benen heeft hangen. De dominee zegt dat het de 'paus' is. Op de vraag van de dominee wat het meisje dan tussen haar benen heeft, antwoordt ze 'Rome'. De dominee vindt dat het hoog tijd wordt de paus naar Rome te sturen. De volgende morgen roept de schoenmaker - als de dominee uit zijn huis komt - vanuit de boom 'goedenmorgen'. De schoenmaker verklaart tegen de dominee al in de boom te zitten 'sinds de paus naar Rome ging'.

Collectie Jaarsma, verslag 1152, verhaal 15 (archief MI)

3 augustus 1977

"Who Gives his Own Goods shall Receive it Back Tenfold"

Rome    Rome   

2013-03-01 14:46:21