CJ120401

De famylje Wesbonk wenne to Ljouwert oan 'e Spanjaardsloane. Myn suster hat dêr faem west. Dêr kaem ek altyd in werkster, dat wie in troude frou. Op in kear fortelde dy werkster, dat har bern siik wie. Dat woe mar net betterje. It kwynde. Doe wie se nei in duvelbanster tagong. Dat wie Smoarge Jantsje, dy wenne to Ljouwert. Dy sei, it bern wie bitsjoend. Se moasten it kessen mar ris iepentoarne. Dat ha se dien. Doe kaem dêr in krâns fan fearren út. Dy krâns ha se forbrând en doe is dat bern wer better woarn.
Myn suster fortelde dat gefal by uzes thús en ek by myn swager Aen van Huizen, èk in skipper, dy wie mei myn suster Antsje troud.
Aen en Antsje hienen in feint oan board, dat wie in fremden-ien. Hy wie net gewoan. Hja hienen ek in bern, in famke dat bigoun to kwinen. Doe sei myn suster, dy't by de famylje Westbonk tsjinne: "Jimme matte it kessen fan 't bern iepenmeitsje." Dat dienen se wylst Ruerd, de feint net oan board wie. Dy wie in hiel ein út 'e reek. Ut it kessen kaem in krâns, dy wie alhiel al fol. Dêr sieten allegearre splinters by yn fan 'e kroade, dêr't Ruerd de turven mei kroade en fan planken.
Wylst hja de krâns forbrânden kaem der hastich ien oanrinnen, dy't ynienen efter har yn 't foarûnder stie. It wie Ruerd. En dy wie in hiel ein út 'e reek. Hoe koe dy dêr samar ynienen wêze? Hy sei hymjend: "Hwat is hjir gebeurd?" Doe hienen se de krâns al forbrând.
It bern is stoarn. Hja fortochten Ruerd der fan, dat dy it famke bitsjoend hie. It gebeurde op in kear doe sprong der samar in kikkertsje yn Ruerd syn pipe, doe't dy yn 't foarûnder siet. En 't wie ek samar wer fuort west. Dat wie doe ek in nuver spul. Soks doogde net.
Letter gebeurde der wer ris hwat fremds yn 't skip. Doe wie Ruerd al dea. Se gongen nei Swarte Jantsje ta, de duvelbanster. Dy sei: 't Is ien mei in skaed dy't it docht.
Koarte tiid dêrnei farden se troch de slues fan Rottefalle. Doe stie Ruerd dêr oan 'e kant. En hy wie al dea. Wie dat it skaed, dat it minske bidoelde?

TM 3101 - Heks maakt kind (mens, dier) ziek    TM 3101 - Heks maakt kind (mens, dier) ziek   

Een ziek kind blijkt betoverd: een verenkrans prijkt in het kussen. Als de heksenkrans verbrand wordt, geneest het kind. Een ander betoverd kind heeft een volledige verenkrans in het kussen. Omdat er ook splinters van de kruiwagen in de krans zitten, wordt een vreemde knecht verdacht van hekserij. Als de krans verbrand wordt, komt de knecht ineens aanhollen hoewel die ver van huis was. Het kind sterft uiteindelijk. Een duivelbanster beweert dat 'iemand met een schaduw' de dader is. Als mensen de verdachte knecht - die al een tijdje dood is - eens langs de waterkant zien staan, vermoeden ze dat dat de 'schaduw' is waar de duivelbanster het over had.

Collectie Jaarsma, verslag 1204, verhaal 1 (archief MI)

juni 1978

Heks maakt kind (mens) ziek

Wesbonk    Wesbonk   

Smoarge Jantsje    Smoarge Jantsje   

Aen van Huizen    Aen van Huizen   

Antsje    Antsje   

Ruerd    Ruerd   

Swarte Jantsje    Swarte Jantsje   

Westbonk    Westbonk   

Ljouwert    Ljouwert   

Spanjaardsloane    Spanjaardsloane   

Aen    Aen   

Rottefalle    Rottefalle   

2013-03-01 14:46:21