CJ124402

Jan Hepkes fortelde ek:
"Sterke Hearke wie ek in baes op 't iis. Ride, net ien dy't him foarby koe.
Yndertiid wie Arend Poepjes fan de Lemmer de man yn Fryslân. Syn konkurrinten dat wienen Gosse Reindersma en Kooistra. Letter waerd Reindersma kampioen.
Letter kamen hjir guon út it bûtenlân wei. Dêr moasten de Friezen it tsjin ôflizze
Mar doe kaem Sterke Hearke op 'e baen en dy waerd fierwei nûmer ien. Mar dat kaem net op 't offisiele rapport to stean. Wol kaem 't letter yn 'e krante."
Wy sieten by Jan Hepkes op 'e Feikedraei, lykas altyd. It praet gong oer 't reedriden. Der waerd tige praet oer de kampioen. Dat wie in Deen of in Noar.
"De Friezen kinne net mear meidwaen," seinen we, "sa hurd as dy keardel ride kin", en wy neamden it tal minuten en sekonden. "Sa hurd hat noch noait ien riden."
"Soa, tochten jim dat?" sei Jan Hepkes. Ik siz: "Dat is neat wurch mei dy keardel. Doe't wy noch jong wienen waerd der folle hurder riden."
"Troch hwa dan Jan?" fregen we.
"Dat wie net in bûtenlander dy't sa hurd ried, dat wie net ien oars as Sterke Hearke. Dêr ha jim nea fan heard, tink. Né, dat wie foar jimme tiid."
Ien fan myn maten lake in bytsje.
Doe sei Jan: "Lakestû?"
"Né, Jan", sei er.
"Ik sil jim sizze hoe't dat gong. Se setten fan ein en Hearke wie net foar. Mar doe't se de lêste rounte dienen, doe gong er. Hy wie net to hâlden! It gong dat it slydjage. It iis dat ûnder syn redens kaem, dat waerd wetter. Dat hy kaem yn 't wetter tolânne. Sa gloeijend-hyt wienen syn redens, dat it iis dat smolt der ûnder wei. Op 't lêst ried er net mear, mar hy gliid. En hy kaem oer de streek yn gâns minder tiid as dat jimme nou neame fan dy bûtenlander."
Mar it hat noait yn it rapport stien.

TM 2801 - Sterke man (vrouw)    TM 2801 - Sterke man (vrouw)   

Sterke Hearke was behalve vreselijk sterk ook schaatskampioen. Door zijn snelheid werden Hearkes schaatsen zo heet, dat het ijs ervan smolt. Hearkes schaatsresultaten zijn nooit in enig rapport geregistreerd.

Collectie Jaarsma, verslag 1244, verhaal 2 (archief MI)

?

Sterke man (vrouw)

Jan Hepkes    Jan Hepkes   

Sterke Hearke    Sterke Hearke   

Arend Poepjes    Arend Poepjes   

Gosse Reindersma    Gosse Reindersma   

Kooistra    Kooistra   

Reindersma    Reindersma   

Friezen    Friezen   

Feike-draei    Feike-draei   

Deen    Deen   

Noar    Noar   

Jan    Jan   

Hearke    Hearke   

Lemmer    Lemmer   

Fryslân    Fryslân   

2013-03-01 14:46:21