CJ124403

Elke wike farde de boat fan Surhústerfean nei Grins. De boat rekke altyd swier ôfladen mei fé en balen moal fan 'e Grinzer klaei. Dat kaem yn skûten njonken de boat, sa waerd it oanbrocht neidat de keaplju it kocht hienen. Op in kear moest dat wer allegearre oerladen wurde op 'e Feanster boat. De kaptein moast der foar soargje dat dat moal yn evenwicht bleau yn 'e boat. Dêr moast links en rjochts sahwat like folle komme to lizzen. Under yn 'e boat waerd it fé fêstboun oan 'e ringen. Der wienen ek in pear swiere bollen by.
Sa, 't fé wie yn 'e boat. De mannen fan it graen hienen noch net alles lost. Doe kaem der efkes letter ek noch in oar boatsje mei sekken graen oan. Dat laedden se der ek noch yn. Doe't alles aerdich yn 't evenwicht wie, sei de kaptein: "Sa kin 't wol."
De boat lei flak op 't wetter. Der waerd ôfrekkene. 't Wie tiid om fuort to gean. 't Befel waerd jown: de trossen los en de motor oansette.
Mar de boat woe net fuort. Hy wie to djip laden.
Doe ha se prebearre om fan 'e wâl ôf rûmte to meitsjen foar de boar. Mar dat slagge net.
Doe is de boat kantele. De sekken mei graen fan 'e wâlskant skeaten nei de oare kant ta en guon rekken yn 't wetter. De boat skepte wetter.
De kooplju dy't altyd meifarden wienen net op 'e boat. Dy stienen altyd by de folgjende brêge to wachtsjen, omdat dat tichter by de merk wie. Dêr gongen se dan altyd oan board.
Tafallich wie ek Sterke Hearke yn Grins. Hy stie tusken de boeren by de brêge to wachtsjen op 'e boat. Guon fan it personiel fan 'e boat hienen Hearke sjoen. Dat wienen greate Freark, de machinist, Ealse Postma, de stjûrman en Jelle Witteveen, de kaptein (Jelle oaljekoek).
Ealse gong fluch nei de brêge ta, dêr't Hearke mei kooplju stienen to wachtsjen op 'e boat. Doe't se hearden hwat dêr to rêdden wie, kaem de hiele kloft by de boat, Hearke ek.
De kaptein lei har út hoe't it siet mei de boat.
Hearke biseach it spul ris en sei: "Lit my mar ris sjen. It fé moat der earst út."
Fiif minuten letter hie Hearke 't fé allegearre los ûnder yn 'e boat. Doe't dat der út wie, sei er: "Nou mar ris wer sjen." Hy sette de rêch tsjin 'e boat oan en sa kaem der mear rûmte tusken de wâl en de boat. Dat hâldde er krekt salang fol oant de boat rûm wetter krige en wer rjocht kaem to lizzen.
Dit is wier gebeurd. Ik wie in jonkje fan 3 jier doe't it gebeurde. It hat yn 'e krante stien.
Jan Hepkes fortelde it ús wer.

TM 2801 - Sterke man (vrouw)    TM 2801 - Sterke man (vrouw)   

Sterke Hearke slaagt erin een te zwaar beladen boot weer in balans te krijgen. Het nieuws heeft zelfs de krant gehaald.

Collectie Jaarsma, verslag 1244, verhaal 3 (archief MI)

?

Sterke man (vrouw)

Sterke Hearke    Sterke Hearke   

Grinzer    Grinzer   

Feanster    Feanster   

Hearke    Hearke   

Freark    Freark   

Ealse Postma    Ealse Postma   

Jelle Witteveen    Jelle Witteveen   

Jelle    Jelle   

Ealse    Ealse   

Jan Hepkes    Jan Hepkes   

Surhústerfean    Surhústerfean   

Grins    Grins   

2013-03-01 14:46:21