CLUCHT013

Die .XI. cluchte.

Als die stadt ROMEN in 't begintsel eens deels gebout was, seynde die ROMEYNEN te ATHENEN eerlijcke commissariën uut den rade ende ontboden huer dat si haer wetten ende statuten seynden souden, want te ATHENEN was een hooge schole. Si seynden eenen hoochgeleerden man te ROMEN, die een stadtrecht ende policie bi hem hadde. Doen was hem bevolen dat, als hy te ROMEN quame, so en soude hy huer die wetten ende statuten niet voorlesen, noch geven, hi en soude se tevoren met disputeren beproeven oft sy weerdich waren die te ontfanghen Ende die disputatie soude met teekenen ende bedieden gheschieden. Als die ROMEYNEN dat hoorden trocken si een sot eenen costelycken schoonen tabbaert aen ende setten hem een schoon roode scharlaken bonet op. Ende waer 't sake dat die GRIECXSE hem verwonnen, so en hadden si maer eenen sot verwonnen, maer waer 't dat die sot die van ATHENEN verwonne, so hadden die ROMEYNEN alle GRIECKEN verwonnen. Als nu die ure quam dat men disputeren soude ende dien raet een yeghelyc voorhanden was, setten si den sot op eenen stoel, teghen de GRIECKEN van ATHENEN over. Ende den sot was bevolen dat hy niet een woort spreken en soude. Die van ATHENEN achten hem voor eenen geleerden man want hy was treflijck in 't aensien. Ende de GRIECXSE doctoor begost die disputatie. Ende hief den wijsvingher op, daermede hi bediede datter maer een God en ware. Dat verstont die sot also oft hy hem een ooge woude uut ghesteken hebben metten vinger. Doen hief de sot twe vingeren op, als woude hy seggen: 'So wil ick se u alle beyde uutsteken.' Nu is dat ghewoonlijck als men twee vingeren opsteect, dat men den duym mede opsteect. Dat nam die GRIECK als oft hy te verstaen woude gheven: 'Die Heylyghe Drivuldicheyt, één waerachtich persoon.' Daerna hief die GRIECK een vlacke, opene hant op als woude hy te verstaen gheven, dat God den Heere alle dinck openbaer ende condt is. Dat verstont die sot als woude hy aen sijn bachuys slaen. Ende nam sijn vuyst als woude hy hem metten vuyst om die ooren slaen. Dat nam die GRIEC als oft hy meynde, dat God alle dinck in sijn macht besloten hadde ende dat de oordeelen Gods heimelijck ende verborgen waren. Also bekende die GRIECK dat si weerdich waren die policien te ontfangen, want si hadden geleerde mannen te ROMEN, omdat dese sot stil was ende niet en sprack. Maer hadde hy gesproken, soude hy wel gesien hebben wat hy voor een man geweest ware. Also vint men noch veel die dit ghebruyken.

Onderwysinghe.
Ees 't dat eenen sot swijcht, hy sal voor wijs gehouden worden.

AT 0924 - Discussion by sign language    AT 0924 - Discussion by sign language   

ATU 0924 - Discussion in Sign Language.    ATU 0924 - Discussion in Sign Language.   

Als Rome net gesticht is, sturen de Romeinen een gezantschap naar Athene om kennis te nemen van de Griekse wetten en statuten - Athene immers bezit een universiteit. De Grieken sturen iemand terug naar Rome, maar verbieden hem mondeling te onderrichten. In plaats daarvan moet hij door middel van gebarentaal uitzoeken of de Romeinen wel in staat waren de Griekse wetten en statuten te begrijpen. Als de Romeinen hier weet van krijgen, kleden zij een zot mooi aan en verbieden ook hem te spreken. Als de Griek door middel van gebarentaal probeert uit te zoeken hoe de Romein over God en Zijn schepping denkt, interpreteert de zot de gebaren als fysieke bedreigingen.

H. Pleij, J. van Grinsven, D. Schouten & F. van Thijn: Een Nyeuwe Clucht Boeck. Een zestiende-eeuwse anekdotenverzameling. Muiderberg 1983.

1554

Bron: Pauli, Schimpf und Ernst 32.

Discussion by sign language

Grieken    Grieken   

Romeinen    Romeinen   

Athene    Athene   

Rome    Rome   

2013-03-01 14:46:22