Hoofdtekst
Die .CXXXII. cluchte.
Het is corts te STRAESBORCH gesciet datter een weerdt was die op een hoere verlieft was. Dese socht al middelen hoe dat hy syn vrouwe wech helpen mochte. Op eenen tijt quam daer een beroyt lansknecht ter herbergen. Met desen overquam hi dat hi zijn huysvrouwe vermoorden soude, ende si sochten vast veel manieren hoe dat sy 't wel beschicken souden mogen. Doen ghinck der vrouwen man ende maecten hem sieck. Ende badt synder huysvrouwen dat si toch gaen soude in een cleyn bosken dwelck daer bi ghelegen is (al op een gemaecte boeverye), ende halen hem van den water uut dier fonteynen die daer middenin stont, want hem dochte, mocht hy van dien water drincken, hi soude genesen. Die goede vrouwe en dacht gheen erch ende ghinck derwaerts. Ende die man seynden den lansknecht haer na om te wachten wanneer hij se ten besten verrassen mochte. Maer het en woude met die reyse niet gelucken, want die vrouwe hadde geselschap in den wech vonden, alsoe dat hij 's niet aventueren en dorften. Ende als hi dat water uutgedroncken hadde, badt hi zijnder huysvrouwen dat si toch noch eens hem van den selven water halen woude, wanttet hem seer geholpen hadde. De goede vrouwe stont des morgens vroech op ende ginc derwaert. Die lansknecht diesgelijcx ende volchde haer. Als si in dit bosken quam, aenveerde hi haer ende woude se vermoorden. Die vrouwe weerde haer seer lange ende cloeckelijc, alsoe dat hi sinen deegen ontstucken brac. Maer hi creech se noch onder die voeten ende nam haer selfs mes ende stac se daermede doot. Ende opten selven dach was 't in een stedeken daer by weecmert. Daer ghinc dese lansknecht henen ende ghinc in die herberge. Ende horde hoe dat yegelijck daer af seyde, maer hi en tracx hem niet aen. Des avonts als men wederom thuyswaerdt soude gaen, so woude dese lansknecht ooc nae STRAESBORCH toe om den weerdt een blijde bootschap te brengen. Als sy totter vrouwen quamen, soe begost si te bloeden ende doen sagen si den lansknecht aen hoe dat hy bebloeyt was ende een lapken van syn bonette ghetrocken, dwelck die vrouwe noch in die handt hadde. Sy namen den lansknecht ende leyden hem wederom terugge in dat stedeken. Daer werdt terstont goet recht over ghedaen ende werdt grouwelijcken, wel na syn verdienste, gheradebraect. Die weerdt wachte vast den lansknecht ende hiel des avonts langhe de poorte na hem open, seggende hoe dat hy syn vrouwe verwachte. Maer si en quam vast niet, alsoe dat die poorte gesloten worde. Ter middernacht was die wete al aen die stadt ghedaen ende men haelde den weerdt van sinen bedde ende vierendeelden hem daerna. Aldus werdt overspel oock ghestraft.
Het is corts te STRAESBORCH gesciet datter een weerdt was die op een hoere verlieft was. Dese socht al middelen hoe dat hy syn vrouwe wech helpen mochte. Op eenen tijt quam daer een beroyt lansknecht ter herbergen. Met desen overquam hi dat hi zijn huysvrouwe vermoorden soude, ende si sochten vast veel manieren hoe dat sy 't wel beschicken souden mogen. Doen ghinck der vrouwen man ende maecten hem sieck. Ende badt synder huysvrouwen dat si toch gaen soude in een cleyn bosken dwelck daer bi ghelegen is (al op een gemaecte boeverye), ende halen hem van den water uut dier fonteynen die daer middenin stont, want hem dochte, mocht hy van dien water drincken, hi soude genesen. Die goede vrouwe en dacht gheen erch ende ghinck derwaerts. Ende die man seynden den lansknecht haer na om te wachten wanneer hij se ten besten verrassen mochte. Maer het en woude met die reyse niet gelucken, want die vrouwe hadde geselschap in den wech vonden, alsoe dat hij 's niet aventueren en dorften. Ende als hi dat water uutgedroncken hadde, badt hi zijnder huysvrouwen dat si toch noch eens hem van den selven water halen woude, wanttet hem seer geholpen hadde. De goede vrouwe stont des morgens vroech op ende ginc derwaert. Die lansknecht diesgelijcx ende volchde haer. Als si in dit bosken quam, aenveerde hi haer ende woude se vermoorden. Die vrouwe weerde haer seer lange ende cloeckelijc, alsoe dat hi sinen deegen ontstucken brac. Maer hi creech se noch onder die voeten ende nam haer selfs mes ende stac se daermede doot. Ende opten selven dach was 't in een stedeken daer by weecmert. Daer ghinc dese lansknecht henen ende ghinc in die herberge. Ende horde hoe dat yegelijck daer af seyde, maer hi en tracx hem niet aen. Des avonts als men wederom thuyswaerdt soude gaen, so woude dese lansknecht ooc nae STRAESBORCH toe om den weerdt een blijde bootschap te brengen. Als sy totter vrouwen quamen, soe begost si te bloeden ende doen sagen si den lansknecht aen hoe dat hy bebloeyt was ende een lapken van syn bonette ghetrocken, dwelck die vrouwe noch in die handt hadde. Sy namen den lansknecht ende leyden hem wederom terugge in dat stedeken. Daer werdt terstont goet recht over ghedaen ende werdt grouwelijcken, wel na syn verdienste, gheradebraect. Die weerdt wachte vast den lansknecht ende hiel des avonts langhe de poorte na hem open, seggende hoe dat hy syn vrouwe verwachte. Maer si en quam vast niet, alsoe dat die poorte gesloten worde. Ter middernacht was die wete al aen die stadt ghedaen ende men haelde den weerdt van sinen bedde ende vierendeelden hem daerna. Aldus werdt overspel oock ghestraft.
Beschrijving
Een waard wilde van zijn vrouw af omdat hij verliefd was op een hoer. Samen met een jongeman sprak hij af dat ze haar zouden vermoorden. De man deed net of hij ziek was, en zijn vrouw ging voor hem bij een bepaalde fontein water halen. De knecht ging haar achterna. De eerste keer had ze gezelschap, maar de tweede keer kon hij haar vermoorden. Toen hij naar de waard wilde gaan, zag men door het bloed dat hij de moordenaar moest zijn, en hij werd geradbraakt. De waard werd daarna ook opgepakt en gevierendeeld.
Bron
H. Pleij, J. van Grinsven, D. Schouten & F. van Thijn: Een Nyeuwe Clucht Boeck. Een zestiende-eeuwse anekdotenverzameling. Muiderberg 1983.
Commentaar
1554
Bron: onbekend.
Naam Overig in Tekst
Straesborch 
Straesborch 
Naam Locatie in Tekst
Straatsburg
Straatsburg
Datum Invoer
2013-03-01 14:46:22