Hoofdtekst
Die .CXC. cluchte.
Daer was een timmerman dye een jonghe schoone vrouwe hadde. Daer was een rijck weduwer die haer ter schanden begheerde. Ende hi en woude gheenen cost daeraen sparen, waer 't dat hij se crijgen mochte. Hy creech een oude coppelersse, dier ghaf hy veel ghelts, si soude hem coppelen. Dat oude wijf quam tot haer ende seyde dat si haer nichte ware ende dat si een medelijde met haer hadde dat si soe arme ware, 'ende daer is een rijcke man die uwer begheert.' Dese hadde se lief ende soude haer cleederen maken ende coopen wat si woude. Die vrouwe antwoorde: 'Wat ick met eeren crijghen mocht, dat soude ick aennemen.' Dat out wijf seide: 'Nu hebbe ick u veel liever dan tevoren, nu ick hoore dat ghi vroem syt.' Op eenen tijt ghinck die oude vrouwe metter jongher ter vesperen waert. Als si voor des rijcken mans duer quamen, ghinck die duere op ende die oude vrouwe track die jonghe in 't huys. Men ontfinck se heerlijck. Die tafel was ghedeckt, si saeten neder. Die jonghe vrouwe sach wel dat si vercocht was ende dachte hoe si met eeren wederom wechcomen mochte ende seyde totten ouden wijve: 'Lieve nichte, ic hebbe nu wat nootsakelijcx te doen, maer ick ghelove u dat ick en sondach met u hier wederom comen sal.' Dat behaechde den rijcken man ende den ouden wijve wel. Die vrouwe dachte hoe si dese coppelersse wel uutrechten mochte ende creech dry vrome vrouwen bi haer met goede roeden. Die verberch si in haer camer. Als nu dat oude wijf quam ende woude metter jonger vrouwen weder om te kercken gaen, seyde die jonge vrouwe tot haer: 'Nichte, coempt helpt mi in die camer dat ick my cleede. 'Ende als si in de camer quam, spronghen dese dry vrouwen toe ende trocken se naect uut ende geesselden se wel tedeghe. Als si meynde dattet genoch ware, deden si die duere open ende dat oude wijf liep naect uut. Ende die vier vrouwen met die roeden haer nae. Hier af creech dese eerlijcke vrouwe meer prijs ende lofs dan si immermeer profijt van den rijcken man hadde mogen hebben.
Daer was een timmerman dye een jonghe schoone vrouwe hadde. Daer was een rijck weduwer die haer ter schanden begheerde. Ende hi en woude gheenen cost daeraen sparen, waer 't dat hij se crijgen mochte. Hy creech een oude coppelersse, dier ghaf hy veel ghelts, si soude hem coppelen. Dat oude wijf quam tot haer ende seyde dat si haer nichte ware ende dat si een medelijde met haer hadde dat si soe arme ware, 'ende daer is een rijcke man die uwer begheert.' Dese hadde se lief ende soude haer cleederen maken ende coopen wat si woude. Die vrouwe antwoorde: 'Wat ick met eeren crijghen mocht, dat soude ick aennemen.' Dat out wijf seide: 'Nu hebbe ick u veel liever dan tevoren, nu ick hoore dat ghi vroem syt.' Op eenen tijt ghinck die oude vrouwe metter jongher ter vesperen waert. Als si voor des rijcken mans duer quamen, ghinck die duere op ende die oude vrouwe track die jonghe in 't huys. Men ontfinck se heerlijck. Die tafel was ghedeckt, si saeten neder. Die jonghe vrouwe sach wel dat si vercocht was ende dachte hoe si met eeren wederom wechcomen mochte ende seyde totten ouden wijve: 'Lieve nichte, ic hebbe nu wat nootsakelijcx te doen, maer ick ghelove u dat ick en sondach met u hier wederom comen sal.' Dat behaechde den rijcken man ende den ouden wijve wel. Die vrouwe dachte hoe si dese coppelersse wel uutrechten mochte ende creech dry vrome vrouwen bi haer met goede roeden. Die verberch si in haer camer. Als nu dat oude wijf quam ende woude metter jonger vrouwen weder om te kercken gaen, seyde die jonge vrouwe tot haer: 'Nichte, coempt helpt mi in die camer dat ick my cleede. 'Ende als si in de camer quam, spronghen dese dry vrouwen toe ende trocken se naect uut ende geesselden se wel tedeghe. Als si meynde dattet genoch ware, deden si die duere open ende dat oude wijf liep naect uut. Ende die vier vrouwen met die roeden haer nae. Hier af creech dese eerlijcke vrouwe meer prijs ende lofs dan si immermeer profijt van den rijcken man hadde mogen hebben.
Beschrijving
Een rijke weduwnaar had zijn zinnen gezet op een getrouwde vrouw. Hij huurde een koppelaarster in om haar aan hem te koppelen. De koppelaarster deed zich bij de vrouw voor als haar nicht, en bracht haar onder valse voorwendselen bij de rijke weduwnaar. De vrouw zei toen dat ze weg moest, maar dat ze zeker terug zou komen. Toen de koppelaarster haar kwam halen liet ze haar afranselen door drie vrouwen met roedes die zich in een kamer hadden verstopt. Zo kreeg de vrouw meer lof dan ze ooit profijt van de rijke man had kunnen hebben.
Bron
H. Pleij, J. van Grinsven, D. Schouten & F. van Thijn: Een Nyeuwe Clucht Boeck. Een zestiende-eeuwse anekdotenverzameling. Muiderberg 1983.
Commentaar
1554
Bron: Pauli, Schimpf und Ernst 408
Datum Invoer
2013-03-01 14:46:22