Hoofdtekst
Exempel. Men leest van enen converse die seere pijnde om vele lants te copenne omme den cloester, ende hi quam dicke tot sinen oversten ende seide: "Vader, dit stic lants es ons soe wel gheleghen. Latet ons coepen, want het es ons ghevoeghelijc". Dese goede man sijn overste mercte wel dat hem quam wt enen ghiereghen gronde, ende hi seide op een tijt tot hem: "Waer omme wilstu die sticke lants coepen?" Doen seide hi: "Vader, het es biden ons gheleghen". Doen seide die goede man: "Als wij dit ghecocht selen hebben, esser dan niet meer dat biden onsen gheleghen es?" Doen seide die conveers datter meer was. Doen seide hi: "Soe selstu wedercomen, ende seggen: vader, laet ons die oec coepen, ende aldus souden wij altoes coepen". Ende hi seide toten conveerse: "Wes in paeysse, want du sels schiere sterven, ene du sels hebben die eerde onder di ende boven di ende in di, ende du sels vol sijn vander eerden". Want dese goede man seidet hem omme dat hi hem wachten soude vander ghiericheit, want sinte pauwels seit: die ghiereghe en selen niet besitten dat euweghe rijcke.
Beschrijving
Een monnik wilde het landgrond rond het klooster kopen. Hij deed een goed woordje bij de overste, maar die had door dat de man het vanwege zijn gierigheid vroeg. Wanneer de monnik ooit komt te overlijden zal hij alleen in de grond terecht komen zonder het eeuwige rijk te betreden. Want gierige mensen mogen het eeuwige rijk niet bezitten volgens Sint Pauwels.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 32
Commentaar
Convers zijn monniken in een orde. In België is Sint Pauweld de deelgemeente van Sint-Gillis-Waas.
Naam Overig in Tekst
Sint Pauwels 
Sint Pauwels 
Datum Invoer
2013-03-01 14:46:20