DEVOOYS047

Exempel. Alsoe men leest een exempel van eenen priester, die hiet her heinrijc. Dese reet op enen wech, ende daer quam een zeer scone wolcke boven hem inder locht, ende hi hoerde een stimme wt dier wolcken, die seide: "Dinen wille moet ghescien inder eerden als inden hemel". Ende dese stimme was soe soete, dat hi noyt daer naer als hi daer op peisede, hi en waert weenende, maer hi en wiste niet wat dese stimme bediede. Ende hi bleef levende alsoe hi te voren gheleeft hadde, want hi en was niet alte goet van levenne. Op een tijt soe knielde hi voer dat beelde van onser liever vrouwen, ende badt onser vrouwen. Ende onse vrouwe seide tot hem: "Wat bidstu my? Du best een verdoemt mensch. Ic segge di: ic ende sinte benedictus hebben voer di ghebeeden. En beterstu niet dijn leven, du sels verdoemt wesen". Ende doen peinsde hi dat dit dese stimme was di hi hoerde inder wolcken. Dat onse lieve vrouwe ende sinte benedictus, doen voer hem baden dat die wille gods soude ghescien dat hi bekeeren soude. Ende hi ghinc inde oerdenne vanden cysteers inden cloester van den ouden berghe, ende beeterde daer sine sonden na den liefsten wille gods. Ende hi wart ghesuvert van sinen sonden, ende levede salichlike ende starf salichlike.

SINLEG 0345 - Maria erscheint einem Sünder, um ihn zu bekehren (einem Spötter, Mönch; der das Kloster verlassen will).    SINLEG 0345 - Maria erscheint einem Sünder, um ihn zu bekehren (einem Spötter, Mönch; der das Kloster verlassen will).   

Een priester, die geen goed leven leidde, reed op een weg en toen klonk er uit een wolk boven hem een stem. Hij wist niet van wie de stem was en waar die vandaan kwam, maar het was een mooie stem. Op een dag knielde hij voor een Mariabeeld en bad. Maar zij sprak tegen hem dat hij geen goed mens was ondanks dat zij samen met Sint Benedictus voor hem hadden gebeden. Hij ontdekte dat het de stem was die hij eerder had gehoord. Hij beterde daarna zijn leven, waarna hij gezuiverd was van zijn zonden en zalig leefde en stierf.

De Vooys, C.G.N., Middelnederlandse stichtelijke exempelen, Zwolle 1953, pagina 32-33

Maria erscheint einem Sünder um ihn zu bekehren

Sint Benedictus    Sint Benedictus   

Mariabeeld    Mariabeeld   

Onze vrouwe    Onze vrouwe   

Gods    Gods   

2013-03-01 14:46:20