DEVOOYS059

Exempel. Ende daer afleest men een exempel scrijft die meester int boec vanden bien van eenen moenc, die was in sinte benedictus oerdenne. Ende dese moenc bedwanc sijn tonghe met swigenne biden orlof van sinen oversten, soe dat hi binnen XVI iaren noyt woert en sprac ieghen enegen menssche, sonder alleene dat hi sanc ende las in die kercke; anders en sprac hi niet binnen XVI iaren. Het quam dat in dit cloester groot vier ende groot brant was. Dese moenc ghinc totten viere ende sprac dese woerde: „Stant vier, vlamme ruste!" Ende niet meer woerde en sprac hi. Ende rechtevoert soe bleef dat vier stille staende, ende ghinc niet woeder, maer dit dede onse heere doer desen moenc, omme dat hi sine woerde bedwanc, soe hadde hi dese macht van gode, dat hi met sinen woerden dwanc dat vier.

In de orde van Sint Benedictus was een monnik die nooit een woord sprak, behalve wanneer hij zong en in de kerk las. In het klooster ontstond een grote brand, de monnik liep naar het vuur en sprak het vuur toe, waarop het vuur stopte. Dit veroorzaakte de Heer door deze monnik.

De Vooys, C.G.N., Middelnederlandse stichtelijke exempelen, Zwolle 1953, pagina 40

De orde is genoemd naar de heilige Benedictus die in 529 zijn eigen klooster stichtte. In heel Europa ontstonden Benedictijner kloosters, die leefden naar de Regel die Benedictus had geschreven.

Sint Benedictus    Sint Benedictus   

God    God   

Heer    Heer   

2013-03-01 14:46:20