Hoofdtekst
VIII.
Petrus damiani, een heilich leeraer, scrijft van eender edelre ioncfrouwen, die haren lichame zere verweendelic plach te houden tot alder gemackelicheit, dair si conste. Den besten dranck ende spise die men vinden mochte, moeste men hair gereyden. Ende sonderling moeste men hair dese spise gereyden, ende maken na alder leckernyen. Ende hier aen soe en spairde si ghenen cost. Ende die spise die si tetene plach, en woude si selve niet nemen in haere handen, op dat si hair niet en besmette dair met van sunderlicheden, mair met guldenen gaffelkens moesten hair sonderlinge lieden, die dair toe geset waren, die spise inden mont steken. Si had oic sonderlinge saechte slapellaken ende bedden, dair si op te rusten plach, ende hair cleedere waren al van edelder zijden. Ende alle genuechte die si visieren mochte, plach si haren lichaem te bewisene. Ende een sonderling dinc scrijft de leeraer noch van hair; dat si plach te doen was dit, dat si hair niet genuegen en liet met gemeynen watere, dair si hair aensichte ende hair hande met soude dwaen, mair men moeste hair sonderling water maken in de specerie van welriekenden cruyden ende speciën, dair si hair met plach te dwaen. Ende te somertijt moestemen hair vergaderen den dan in slapellaken, dair si in plach te badenne. Mair wat geviel dair na ? Doen dese ioncfrouwe aldus een luttel tijts al hair gemac gehadt hadde, doen begonst ons here hair vleesch te visenteten met eenre ziecheit, dair si zeer af quelende wert in haren lichaem. Ende hair vleesch dat si te voren soe verweendelic plach te houden, na alle gemac, wert soe zeer stinckende, dat niemant bi hair gedueren en conste. Hier om en woude hair niemant dienen. Ende doen si enen tijc aldus gelegen hadde, sterf si in groter elendicheit. Merct hoe deser ioncfrouwcn geloent wert al hair weldicheit ende gemae, dat si haren lichaem plach te doen. Ende dair om spieghelt u alle hier aen, want dat hair gesciede soude den anderen oic gescien. Ende en suect niet te zeer tghemac des lichamen.
Petrus damiani, een heilich leeraer, scrijft van eender edelre ioncfrouwen, die haren lichame zere verweendelic plach te houden tot alder gemackelicheit, dair si conste. Den besten dranck ende spise die men vinden mochte, moeste men hair gereyden. Ende sonderling moeste men hair dese spise gereyden, ende maken na alder leckernyen. Ende hier aen soe en spairde si ghenen cost. Ende die spise die si tetene plach, en woude si selve niet nemen in haere handen, op dat si hair niet en besmette dair met van sunderlicheden, mair met guldenen gaffelkens moesten hair sonderlinge lieden, die dair toe geset waren, die spise inden mont steken. Si had oic sonderlinge saechte slapellaken ende bedden, dair si op te rusten plach, ende hair cleedere waren al van edelder zijden. Ende alle genuechte die si visieren mochte, plach si haren lichaem te bewisene. Ende een sonderling dinc scrijft de leeraer noch van hair; dat si plach te doen was dit, dat si hair niet genuegen en liet met gemeynen watere, dair si hair aensichte ende hair hande met soude dwaen, mair men moeste hair sonderling water maken in de specerie van welriekenden cruyden ende speciën, dair si hair met plach te dwaen. Ende te somertijt moestemen hair vergaderen den dan in slapellaken, dair si in plach te badenne. Mair wat geviel dair na ? Doen dese ioncfrouwe aldus een luttel tijts al hair gemac gehadt hadde, doen begonst ons here hair vleesch te visenteten met eenre ziecheit, dair si zeer af quelende wert in haren lichaem. Ende hair vleesch dat si te voren soe verweendelic plach te houden, na alle gemac, wert soe zeer stinckende, dat niemant bi hair gedueren en conste. Hier om en woude hair niemant dienen. Ende doen si enen tijc aldus gelegen hadde, sterf si in groter elendicheit. Merct hoe deser ioncfrouwcn geloent wert al hair weldicheit ende gemae, dat si haren lichaem plach te doen. Ende dair om spieghelt u alle hier aen, want dat hair gesciede soude den anderen oic gescien. Ende en suect niet te zeer tghemac des lichamen.
Beschrijving
Een edele vrouw probeert haar lichaam zo mooi mogelijk te houden, door het nuttigen van de beste dranken en spijzen. Het eten raakte ze zelf niet aan, omdat ze dan besmet zou worden met zonden, dus haar bedienden gaven stopten het met gouden vorken in haar mond. Ook haar kleding was van zijde en ze waste zichzelf alleen met welriekend water. Op een dag zorgde de Heer ervoor dat deze vrouw ziek werd. Haar lichaam stonk zo erg dat niemand in haar buurt wilde komen. Uiteindelijk stierf in grote ellende.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 61-62
Naam Overig in Tekst
Petrus Damiani 
Petrus Damiani 
Heer
Heer
Datum Invoer
2013-03-01 14:46:20