Hoofdtekst
XI.
Wy lesen van des greven dochter van vyanen, dwelke een zeer edel geboren maget was, nader werelt ce spreken, want si nichte was des keysers van grieken, ende hair brueder was een machtich prince in grieken, haer oem de keyser. Ende hair ouders die waren wt om dat sise grotelee wouden bestaden, soe dat om haren wille al hair geslechte mocht werden verhoghet mids haren huweleken state. Mair doen dat de maghet vernam, peisde si in hair herte dat si ghenen man nemen en woude, mair si woude hair reynicheit behouden, ende cristum, den oversten coninc, tot enen brudegom verkiesen. Ende hier om soe plach si somwijl te visenteren de meechden, die woenden in heilege vergaderingen. Ende doen si hoirde dat hair ouders spreken souden te samen van enen groten huwelec, soe badt si haerre moeder zeer vriendeliken, dat si woude hair laten doen bedevairt te triere. Ende de moeder consenteerdet hair, ende trac selve met groten gesinde met. Doen si hair bedevairt had gedaen, ende si wederkeeren soude, gevielt dat si quamen niet verre van enen nonnencloester vander predecaren oirdene. Doen badt de dochter hairre moeder zeer, dat sise tot dair woude laten gaen visiteren de heilege susteren, die dair binnen wonen. Die moeder lietse dair binnen gaen int cloester. Ende si bleef buten, met edelen lieden sprekende, die met hair quamen ghereden van triere om hair wtgheleye te doen. Doen de inaghet int cloester quam, doe vraechde si na de priorinne, ende dede hair vergaderen alle de susteten te samen. Ende doen si waren te gader int capittel huys, quam de maghet ende viel neder voir de priorinne, ende openbairde haren wille wair om si comen was, ende badt om gods wille ende om hairre zielen salicheit, dat sise dair wouden ontfaen ende cleden metten geesteliken abite. Doen de priorinne ende de susteren hoirden der edelre inaghet begherte, waren si zeer blide ende ontfingense gemeynlec, ende deden hair aen die geestelike cleedere. Ende de costelike werlike cleedere deden si hait wt. Ende si dede dair staphans de drie beloeften, ende begonste selve dat respons, dat de meechden te singen plegen ais si professie doen: Regnum mundi, dats te seggen: dat rijc der werelt heb ic versmaet. Ende dat convent sanc voirt met groter bliscap toten ynde toe. Doen de moeder, die noch dair buyten was, hoirde desen sanc van bynnen, ende niet en wiste wat bedieden mochte, ende doen de camerire weder quam wten cloester, seide si der vrouwen, hoe dat hair dochter nonne ware, ende dat abijt der ordenen aen hadde. Doen dat de vrouwe hoirde, wert si staphant zeer gram, ende liep haestelee oft si wten syn had geweest, ende geboot alle hair cnapen dat si hair volchden. Ende de doeren, diemen hair niet open doen en wilde, die dede si open breken, ende quam soe int cloester, ende nam dair hair dochter weder wt met crachte, ende trac hair wt dat geestelec abijt dat si aen hadde, ende dede hair weder aen weerlec abijt, tegen haren danc, ende vuerdese met in hair casteele te vyanen, ende deedse dair sluyten ende hueden nerstclic. Doen de maghet langen tijt aldus gesloten sat in een camere, soe en woude si anders gheen spise eten dan si meynde dat hair ordene ende regule in hielt. Gheen vleesch en conste men hair doen eten noch dwinghen te prueven. De andere statuten van der ordenen pijnde si hair oic te houden, soe si best mocht. Dair na deedse de moeder wter cameren nemen, ende dede hair aendoen zeer costelike ende wtwendege cledere. Ende si ontboot tot hair bisscopen, abden ende andere prelaten ende geestelike personen, op dat si souden hair dochter onderwijsen ende afkeeren van haren opset, ende die strange orden laten. Ende eest dat si emmer wilt nonne bliven, dat si dan een lichter ende saechtere ordene aennemen wilde, hair moeder soude wel content sijn. Mair wat si alle gader predicten ende rieden, si en mochtense niet dair toe gebringen dat si die oirden die si aengenomen hadde, laten wilde. Mair si antworde, als sinte paulus seit: „Inder roepinge dair ic toe geroepen ben, soe willic bliven". Aldus soe was si drie iaer lanc opt casteel. Ten lesten doen de moeder ende vrienden saghen datter gheen raden aen en was, mair dat si hair liever had laten doden dan si enen man had genomen, soe lietse de moeder wt, ende santse weder inc cloester, dair sise wt nam, ende dair si dabijt aen hadde gedaen. Doen was die maghet wtermaten zere blide, ende quam haestelec ten cloestere ende leefde dair voirt soe heilichlic, dat si wert een spieghel ende een exempel alle der gheender die int cloester waren.
Wy lesen van des greven dochter van vyanen, dwelke een zeer edel geboren maget was, nader werelt ce spreken, want si nichte was des keysers van grieken, ende hair brueder was een machtich prince in grieken, haer oem de keyser. Ende hair ouders die waren wt om dat sise grotelee wouden bestaden, soe dat om haren wille al hair geslechte mocht werden verhoghet mids haren huweleken state. Mair doen dat de maghet vernam, peisde si in hair herte dat si ghenen man nemen en woude, mair si woude hair reynicheit behouden, ende cristum, den oversten coninc, tot enen brudegom verkiesen. Ende hier om soe plach si somwijl te visenteren de meechden, die woenden in heilege vergaderingen. Ende doen si hoirde dat hair ouders spreken souden te samen van enen groten huwelec, soe badt si haerre moeder zeer vriendeliken, dat si woude hair laten doen bedevairt te triere. Ende de moeder consenteerdet hair, ende trac selve met groten gesinde met. Doen si hair bedevairt had gedaen, ende si wederkeeren soude, gevielt dat si quamen niet verre van enen nonnencloester vander predecaren oirdene. Doen badt de dochter hairre moeder zeer, dat sise tot dair woude laten gaen visiteren de heilege susteren, die dair binnen wonen. Die moeder lietse dair binnen gaen int cloester. Ende si bleef buten, met edelen lieden sprekende, die met hair quamen ghereden van triere om hair wtgheleye te doen. Doen de inaghet int cloester quam, doe vraechde si na de priorinne, ende dede hair vergaderen alle de susteten te samen. Ende doen si waren te gader int capittel huys, quam de maghet ende viel neder voir de priorinne, ende openbairde haren wille wair om si comen was, ende badt om gods wille ende om hairre zielen salicheit, dat sise dair wouden ontfaen ende cleden metten geesteliken abite. Doen de priorinne ende de susteren hoirden der edelre inaghet begherte, waren si zeer blide ende ontfingense gemeynlec, ende deden hair aen die geestelike cleedere. Ende de costelike werlike cleedere deden si hait wt. Ende si dede dair staphans de drie beloeften, ende begonste selve dat respons, dat de meechden te singen plegen ais si professie doen: Regnum mundi, dats te seggen: dat rijc der werelt heb ic versmaet. Ende dat convent sanc voirt met groter bliscap toten ynde toe. Doen de moeder, die noch dair buyten was, hoirde desen sanc van bynnen, ende niet en wiste wat bedieden mochte, ende doen de camerire weder quam wten cloester, seide si der vrouwen, hoe dat hair dochter nonne ware, ende dat abijt der ordenen aen hadde. Doen dat de vrouwe hoirde, wert si staphant zeer gram, ende liep haestelee oft si wten syn had geweest, ende geboot alle hair cnapen dat si hair volchden. Ende de doeren, diemen hair niet open doen en wilde, die dede si open breken, ende quam soe int cloester, ende nam dair hair dochter weder wt met crachte, ende trac hair wt dat geestelec abijt dat si aen hadde, ende dede hair weder aen weerlec abijt, tegen haren danc, ende vuerdese met in hair casteele te vyanen, ende deedse dair sluyten ende hueden nerstclic. Doen de maghet langen tijt aldus gesloten sat in een camere, soe en woude si anders gheen spise eten dan si meynde dat hair ordene ende regule in hielt. Gheen vleesch en conste men hair doen eten noch dwinghen te prueven. De andere statuten van der ordenen pijnde si hair oic te houden, soe si best mocht. Dair na deedse de moeder wter cameren nemen, ende dede hair aendoen zeer costelike ende wtwendege cledere. Ende si ontboot tot hair bisscopen, abden ende andere prelaten ende geestelike personen, op dat si souden hair dochter onderwijsen ende afkeeren van haren opset, ende die strange orden laten. Ende eest dat si emmer wilt nonne bliven, dat si dan een lichter ende saechtere ordene aennemen wilde, hair moeder soude wel content sijn. Mair wat si alle gader predicten ende rieden, si en mochtense niet dair toe gebringen dat si die oirden die si aengenomen hadde, laten wilde. Mair si antworde, als sinte paulus seit: „Inder roepinge dair ic toe geroepen ben, soe willic bliven". Aldus soe was si drie iaer lanc opt casteel. Ten lesten doen de moeder ende vrienden saghen datter gheen raden aen en was, mair dat si hair liever had laten doden dan si enen man had genomen, soe lietse de moeder wt, ende santse weder inc cloester, dair sise wt nam, ende dair si dabijt aen hadde gedaen. Doen was die maghet wtermaten zere blide, ende quam haestelec ten cloestere ende leefde dair voirt soe heilichlic, dat si wert een spieghel ende een exempel alle der gheender die int cloester waren.
Beschrijving
De dochter van de graaf van Vianen was een edele maagd. Zij wilde niet trouwen, maar het klooster in. Ze wilde Christus als bruidegom. Toen ze hoorde dat haar ouders een huwelijkskandidaat voor haar uitzochten vroeg ze of ze op bedevaart mocht naar Trier. Op de terugweg kwam ze langs een klooster, ze vroeg haar moeder of ze daar op bezoek mocht gaan. De moeder liet dat toe en wachtte buiten, even later kwam er een non naar buiten die zij dat haar dochter non was geworden. De moeder gaf haar knapen de opdracht haar dochter daar weg te halen. Dat gebeurde, waarna de dochter zichzelf opsloot in haar kamer en weigerde te eten van het vlees. Ze probeerde alles om haar dochter te bekeren, maar het lukte niet. Ze wilde liever dood zijn dan trouwen. Uiteindelijk liet haar moeder haar toch in het klooster opnemen.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 66-68
Naam Overig in Tekst
Grieken 
Grieken 
Christus
Christus
Sint Paulus
Sint Paulus
Naam Locatie in Tekst
Vianen
Vianen
Trier
Trier
Datum Invoer
2013-03-01 14:46:20