Hoofdtekst
XII.
Exempel. Het waren twee gheestelike gebrueders, ende leefden lange reckelic met malcanderen, ende si geloofden deen den anderen, die ierst storve, dat hi wedercomen soude ende seggen den anderen sinen staet. Het geviel dat deen sterf, ende quam op eender nacht tot den levenden, dair hi in sinen gebede : lach, ende stom bi hem. Ende doen hem dander vraechde, hoe dat met hem ware, doe antwoirde hi, hi ware int vagevier, ende dair in moeste hi bliven tot den ionxsten dage toe. Ende dat was om der Iichtverdeger woirden wil ende ydel glorie, die hi gehadt hadde. Ende dat en hadde hi niet soe vlitelic gebiecht, als hi sculdich was, noch gebetert. Doe seide die levende: „Hoe mach dat sijn? Ghi hebt alsoe reckelic geleeft!" De dode antwoirde: „Dat en weet niemant". Die levende brueder seide hem: „Dat en verstae ic niet. Bediet mi dat, dat ict bat verstaen mach". Doen seide de dode: „Dat en weet niemant, hoe overdragende goet ende ontfermhertich dat god es den sondeghen mensce in desen leven, ende dat en weet niemant, hoe overdragende stringe dat god es den sondairs na desen : leven". Doen vraechde de levende brueder oft men hem yet helpen mochte. Hi antwoirde: „Ya". Dair met sciet hi van dair. Ende de levende brueder dede des daghes misse. Ende doen hi dat heilich sacrament in de hande hadde, ende dat nutten soude, doe seide hi: „Here, nu wilt den armen gevangenen, minen geselle, quijt laten om minen wille, om werdicheit dijns heilegen lichame, ende wilt hem te staden laten comen alle die verdiente die ic ye gedede in dijnre tegenwordicheit. Ende op die voirwaitde soe ontfac ic dijn heilege lichame inden heilegen sacramente". Des nachts dair na openbairde hem sijn gheselle weder, ende dancte hem zeer, ende seide dat hem god quijt gelaten hadde alle sijn vagevier, om sijn ynnich gebedt ende trouwe, ende seide hem: „Ghi sijt nu een arm man, want ghi hebt mi gegeven alle u weldaet". Doen antwoirde de levende : „Doen ghi niet en hadt ende ic wat hadde, doen gaf ic u dat ie hadde. Ende nu ghi rijc sijt, nu bidt voir mi, dat mi god oic ghegeven worde". Doen seide die dode weder: „Brueder, god heeft u grote caritate aengesien, ende ghi en hebt niet te min, mair vele te meer". Ende de dode brueder nam orlof, ende voer dair boven inder ewiger vrouden.
Exempel. Het waren twee gheestelike gebrueders, ende leefden lange reckelic met malcanderen, ende si geloofden deen den anderen, die ierst storve, dat hi wedercomen soude ende seggen den anderen sinen staet. Het geviel dat deen sterf, ende quam op eender nacht tot den levenden, dair hi in sinen gebede : lach, ende stom bi hem. Ende doen hem dander vraechde, hoe dat met hem ware, doe antwoirde hi, hi ware int vagevier, ende dair in moeste hi bliven tot den ionxsten dage toe. Ende dat was om der Iichtverdeger woirden wil ende ydel glorie, die hi gehadt hadde. Ende dat en hadde hi niet soe vlitelic gebiecht, als hi sculdich was, noch gebetert. Doe seide die levende: „Hoe mach dat sijn? Ghi hebt alsoe reckelic geleeft!" De dode antwoirde: „Dat en weet niemant". Die levende brueder seide hem: „Dat en verstae ic niet. Bediet mi dat, dat ict bat verstaen mach". Doen seide de dode: „Dat en weet niemant, hoe overdragende goet ende ontfermhertich dat god es den sondeghen mensce in desen leven, ende dat en weet niemant, hoe overdragende stringe dat god es den sondairs na desen : leven". Doen vraechde de levende brueder oft men hem yet helpen mochte. Hi antwoirde: „Ya". Dair met sciet hi van dair. Ende de levende brueder dede des daghes misse. Ende doen hi dat heilich sacrament in de hande hadde, ende dat nutten soude, doe seide hi: „Here, nu wilt den armen gevangenen, minen geselle, quijt laten om minen wille, om werdicheit dijns heilegen lichame, ende wilt hem te staden laten comen alle die verdiente die ic ye gedede in dijnre tegenwordicheit. Ende op die voirwaitde soe ontfac ic dijn heilege lichame inden heilegen sacramente". Des nachts dair na openbairde hem sijn gheselle weder, ende dancte hem zeer, ende seide dat hem god quijt gelaten hadde alle sijn vagevier, om sijn ynnich gebedt ende trouwe, ende seide hem: „Ghi sijt nu een arm man, want ghi hebt mi gegeven alle u weldaet". Doen antwoirde de levende : „Doen ghi niet en hadt ende ic wat hadde, doen gaf ic u dat ie hadde. Ende nu ghi rijc sijt, nu bidt voir mi, dat mi god oic ghegeven worde". Doen seide die dode weder: „Brueder, god heeft u grote caritate aengesien, ende ghi en hebt niet te min, mair vele te meer". Ende de dode brueder nam orlof, ende voer dair boven inder ewiger vrouden.
Beschrijving
Twee geestelijke broeders leefden lange tijd met elkaar. Wanneer een van hun zou sterven zou diegene terugkeren om de ander te vertellen waar hij terecht was gekomen. Toen het zover was bleek de broeder in het vagevuur te zijn gekomen. De andere broeder bad nu dagelijks voor hem tijdens de mis in de hoop hem in de hemel te krijgen. Uiteindelijk heeft God dat gedaan.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 68-69
Naam Overig in Tekst
God 
God 
Naam Locatie in Tekst
Here
Here
Datum Invoer
2013-03-01 14:46:20