Hoofdtekst
IV.
Een exempel. Een mensche sat ende beede. Doen quam daer een scoen licht seinende. Die mensche seide: „Benedicite". Die ziele sprac: „Dominus". Doen sprac die mensche: „Wie sidi ?" Die ziele seide: „Ic bin des menschen ziele, die ghi wel kennet". Die mensche seide: „Hoe staet met u?" Si seide: „Ic voer van monde te hemele". Die mensche seide: „Waer met verdiende ghi dat?" Si seide: „Ic hadde drie doechden aen mi; daeromme gaf mi god drie graciën in die ure van mijnre doot. Die yerste was dat ic niemant en plach te ordelen. Dat ander was dat ic alle menschen gherne halp in harer noet. Daeromme quam mi god te helpen in mijnre meester noet ende gaf mi een saleghe doot. Dat derde poent was dat ic alle daghe eenen souter plach te leesen van onser liever vrouwen. Daeromme gaf mi god dat eeweghe leven. Doen sprack die mensche totter zielen: „Nu segt mi yet vanden eeweghen leven". Doen seide die ziele: „Daer is alsoe groeten vroude, dat noch herte pensen en mach noch mont ghespreken en mach noch ore ghehoeren. Daer is alsoe groeten vroude, al ware alle water inet ende eertrijck percament ende alle creatueren scrivers, si en souden niet connen ghescriven die minste vroude die inden eeweghen leven is. Waer ic noch oec een mensche inder tijt als ghi sijt, dat ic noch mochte eenen ave maria spreken op eertrijck oft een goede begherte tot gode hebben, daer omme woudic gherne een worm sijn, ende ligghen onder die haghe totten ionxten daghe toe, dat sise op mi traden. Alsoe groeten loen heeft een ziele voer die ander in hemelrijck, die op eertrijck eenen ave maria meer ghesproken hevet dan dander, oft een goede begheerte meer tot gode ghehadt heeft dan dander. Bekenden wi hoe vele eewichs loens ende eewegher blijscap wi verboerden, wi en worden nemmermeer vro noch blide. Die tijt heeft ende die tijt laet liden, die tijt dient hem te ghenen tiden. Biechten sonder rouwe ende beden sonder innicheit is seere verloren arbeit.
Een exempel. Een mensche sat ende beede. Doen quam daer een scoen licht seinende. Die mensche seide: „Benedicite". Die ziele sprac: „Dominus". Doen sprac die mensche: „Wie sidi ?" Die ziele seide: „Ic bin des menschen ziele, die ghi wel kennet". Die mensche seide: „Hoe staet met u?" Si seide: „Ic voer van monde te hemele". Die mensche seide: „Waer met verdiende ghi dat?" Si seide: „Ic hadde drie doechden aen mi; daeromme gaf mi god drie graciën in die ure van mijnre doot. Die yerste was dat ic niemant en plach te ordelen. Dat ander was dat ic alle menschen gherne halp in harer noet. Daeromme quam mi god te helpen in mijnre meester noet ende gaf mi een saleghe doot. Dat derde poent was dat ic alle daghe eenen souter plach te leesen van onser liever vrouwen. Daeromme gaf mi god dat eeweghe leven. Doen sprack die mensche totter zielen: „Nu segt mi yet vanden eeweghen leven". Doen seide die ziele: „Daer is alsoe groeten vroude, dat noch herte pensen en mach noch mont ghespreken en mach noch ore ghehoeren. Daer is alsoe groeten vroude, al ware alle water inet ende eertrijck percament ende alle creatueren scrivers, si en souden niet connen ghescriven die minste vroude die inden eeweghen leven is. Waer ic noch oec een mensche inder tijt als ghi sijt, dat ic noch mochte eenen ave maria spreken op eertrijck oft een goede begherte tot gode hebben, daer omme woudic gherne een worm sijn, ende ligghen onder die haghe totten ionxten daghe toe, dat sise op mi traden. Alsoe groeten loen heeft een ziele voer die ander in hemelrijck, die op eertrijck eenen ave maria meer ghesproken hevet dan dander, oft een goede begheerte meer tot gode ghehadt heeft dan dander. Bekenden wi hoe vele eewichs loens ende eewegher blijscap wi verboerden, wi en worden nemmermeer vro noch blide. Die tijt heeft ende die tijt laet liden, die tijt dient hem te ghenen tiden. Biechten sonder rouwe ende beden sonder innicheit is seere verloren arbeit.
Beschrijving
Een man zat te bidden toen er een mooi licht begon te schijnen. Het was de ziel van een bekende van de man. God had de man drie gratiën gegeven toen hij overleed. De eerste was dat hij niemand mag oordelen, de ander dat hij mensen moet helpen in nood en de laatste is dat hij iedere dag over Maria leest. Daarom kreeg hij het eeuwige leven. Vervolgens schets hij hoe het eeuwige leven eruitziet.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 71-72
Naam Overig in Tekst
Benedicte 
Benedicte 
Dominus
Dominus
God
God
Ave Maria
Ave Maria
Datum Invoer
2013-03-01 14:46:20