Hoofdtekst
V. EEN MERCKELEEC EXEMPEL.
Een merekelec exempel. Het was een heilich man die wert ghevoert voer die helle, ende daer sach hi meneghe groete pine. Hi sach daer ligghen inden gront vander hellen eenen man die was ghewassen wt sinen monde eenen boem, ende in die telgheren vanden boeme sach hi hanghen vele liede. Ende dien boem stont in midden der hellen gloet, ende die onder inder hellen gloet lach, die hadde die meeste pinen. Doen sprac die ynghel tot den heileghen man die hi daer ghevoert hadde: „Die onder inden gront leec, was een beghin des gheslechs. Ende hi was ierst arm ende daer na wert hi zeere rike met voercoepe ende met onrechter winninghen ende neringhen. Ende alle die kinder die dat goet wetende besitten ende houden, die varen alle na hem ende werden ghehanghen aen desen boem, ende bliven daer eeweleec in verdoemt. Hier om so mach hem een yegheleec mensche wel ontsien, die eenech ongherecht goet besitten ende dat weten. Ja hoe luttel dat es, het en si dat ment weder keere, hi sal eeweleec verdoemt sijn.
Een merekelec exempel. Het was een heilich man die wert ghevoert voer die helle, ende daer sach hi meneghe groete pine. Hi sach daer ligghen inden gront vander hellen eenen man die was ghewassen wt sinen monde eenen boem, ende in die telgheren vanden boeme sach hi hanghen vele liede. Ende dien boem stont in midden der hellen gloet, ende die onder inder hellen gloet lach, die hadde die meeste pinen. Doen sprac die ynghel tot den heileghen man die hi daer ghevoert hadde: „Die onder inden gront leec, was een beghin des gheslechs. Ende hi was ierst arm ende daer na wert hi zeere rike met voercoepe ende met onrechter winninghen ende neringhen. Ende alle die kinder die dat goet wetende besitten ende houden, die varen alle na hem ende werden ghehanghen aen desen boem, ende bliven daer eeweleec in verdoemt. Hier om so mach hem een yegheleec mensche wel ontsien, die eenech ongherecht goet besitten ende dat weten. Ja hoe luttel dat es, het en si dat ment weder keere, hi sal eeweleec verdoemt sijn.
Beschrijving
Een heilige man kwam in de hel een kijkje nemen. Daar zag hij een man op de grond liggen waaruit een boom groeide. Aan de takken hingen veel mensen. De boom stond midden in het vuur. De man was rijk geworden door te stelen van andere, degene die aan de takken hangen wisten dit en hebben niets gezegd of hebben hem geholpen. Zij zijn eeuwig verdoemt.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 72-73
Datum Invoer
2013-03-01 14:46:20