Hoofdtekst
Het was een simpel erme man, die hadde een devoot wijf. Dit paer volx gaf gherne om Gode van dien dat si hadden. Het gheviel dat dese goede simpel man op een tijt ghinc over enen wech met lichten ghesellen, die niet alte vele op Gode en dachten. Mer dese goede simpel man seyde vele van onsen here ende vander zueter maghet Mariën. Doen mercten dese lichte ghesellen dat dit een goet simpel mensche was, ende seyden tot hem, al boerdende: ,,Wat segghestu van Gode! Hij is doot, want men heeft in allen kercken voer hem gheluyt". Doen dese simpel man dat hoorde, soe gheloefde hijs, ende ghinc zeer bedruct, al weenende thuys wert, ende claechde sinen wive dat sijn lieve vrient Ihesus doot was. Doen sijn wijf dat hoorde, soe ghinc si haren man vriendelijc troesten vander doot ons liefs heren. Mer wat sine troeste, hi en was niet te vrede: hij weendeende maecte groot mesbaer ende hadde alte grooten druck. Ten lesten seyde sijn wijf tot hem: ,,O goede man, nu troest u selven, want al is Ihesus doot, sijn moeder leeft noch". Dese goede man, want hi simpel was, soe nam hi sinen rogghe ende biecker af broot ende gaeft den ermen voer ons heren ziele. Het gheviel hier nae dat dese simpel man was te middaghe in een dorp rustende. Ende hi sach een visioen, alsoe dat hem dochte dat hi opclam tot eenre scoonre stede, ende daer sach hi den coninc, onsen here, sitten in enen conincliken stoel, blinckende met onsprekeliker claerheyt. Ende bij hem saten vele scoonre heyleghen, wel ghecyert. Ende die coninck stont op ende ghinc desen simpelen man te
ghemoete, ende nammen inden erm ende helsden, ende hi vraghde oft hi wel wiste
wie hi ware. Die man seyde totten coninck: ,,Ic en weet niet wie ghij sijt". Die
coninck seyde doen toten simpelen man: ,,Ic ben Ihesus, den welken ghi doot waent
wesen. Hij en is niet sterflijc noch en sal nummermeer sterven". Ende seyde hem,
dat hij hem niet meer en liet wijs maken dat hij doot waer, want hi en mocht niet
sterven. Ende hij seyde hem, wat hij oeyt voer hem ende om hem ghedaen hadde,
daer voer soude hi hem hondertvout loens weder gheven. Ende hij seyde hem voert,
dat hi ende sijn wijf nae harer beyder doot altoes bi hem souden wesen in sijn rijck.
Doen die simpel man dit hoorde, waert hi met onsprekeliker blijscap vervult, ende
seyde: ,,Lieve here, het is mij al ghenoech dat ic u levende sien." Onse here met al sinen lieven heyleghen deden hem alte groote feeste ende hadden hem alte vriendelijc teghen hem. Ende daer na quam onse lieve vrouwe metten heyleghen meechden ende seyde tot desen simpelen man: ,,Siet, dese feeste doen ic u om ws wijfs wille, die u seyde, al ware mijn sone doot, ic leefde noch". Dese goede man quam doen tot hem selven, ende liep nemstelijc thuys wert, ende ver¬telde sinen wive dat hi onsen here God ghesien hadde, ende dat hij leefde, ende dat hij hem hadde gheseyt dat hi nummermeer sterven en soude. Ende noch veel ander dinghen seyde hij haer, die welke hi ghesien ende ghehoort hadde, ende die hem van Gode ghelooft waren, die leeft ende regneert hier boven in die ewighe eewicheyt. Amen.
ghemoete, ende nammen inden erm ende helsden, ende hi vraghde oft hi wel wiste
wie hi ware. Die man seyde totten coninck: ,,Ic en weet niet wie ghij sijt". Die
coninck seyde doen toten simpelen man: ,,Ic ben Ihesus, den welken ghi doot waent
wesen. Hij en is niet sterflijc noch en sal nummermeer sterven". Ende seyde hem,
dat hij hem niet meer en liet wijs maken dat hij doot waer, want hi en mocht niet
sterven. Ende hij seyde hem, wat hij oeyt voer hem ende om hem ghedaen hadde,
daer voer soude hi hem hondertvout loens weder gheven. Ende hij seyde hem voert,
dat hi ende sijn wijf nae harer beyder doot altoes bi hem souden wesen in sijn rijck.
Doen die simpel man dit hoorde, waert hi met onsprekeliker blijscap vervult, ende
seyde: ,,Lieve here, het is mij al ghenoech dat ic u levende sien." Onse here met al sinen lieven heyleghen deden hem alte groote feeste ende hadden hem alte vriendelijc teghen hem. Ende daer na quam onse lieve vrouwe metten heyleghen meechden ende seyde tot desen simpelen man: ,,Siet, dese feeste doen ic u om ws wijfs wille, die u seyde, al ware mijn sone doot, ic leefde noch". Dese goede man quam doen tot hem selven, ende liep nemstelijc thuys wert, ende ver¬telde sinen wive dat hi onsen here God ghesien hadde, ende dat hij leefde, ende dat hij hem hadde gheseyt dat hi nummermeer sterven en soude. Ende noch veel ander dinghen seyde hij haer, die welke hi ghesien ende ghehoort hadde, ende die hem van Gode ghelooft waren, die leeft ende regneert hier boven in die ewighe eewicheyt. Amen.
Beschrijving
Eenvoudige, godsvruchtige man hoort van minder vrome lieden dat Jezus dood is: alle kerken hebben immers voor Hem geluid. Wenend gaat de man naar huis. Maar de volgende dag krijgt hij een visioen, waarin hij Jezus zelf op zijn hemeltroon ziet zitten. Jezus vertelt de man dat Hij nooit zal sterven.
Bron
De Vooys, C.G.N., Middelnederlandse stichtelijke exempelen, Zwolle, 1953 pagina 78-79
Naam Overig in Tekst
Jezus 
Jezus 
Maria
Maria
God
God
Datum Invoer
2013-03-01 14:46:20