LAAN001b - Dikke Boom in 't Slòchterbos

Dikke Boom in 't Slòchterbos

Hoe is 't gekomen dat hij de "Dikke Boom" geworden is?

Op 'n dag wazzen ze in 't Bos aan 't bomen poten. De heer van Slòchter wol doar 'n hail mooie rieg van buiken hebben; ze haren de mooisten oetzöcht. Dou aarbaiders van Börg der mit aan 't poten wazzen, gebeurde 't, dat ter jacht wör mit vaalken, dat dou de hoogste mode was. En der was 'n juvver bie, boven oet 't laand, dat was zoveul as 'n verdreven prinses. Zai zat boven op peerd mit baaide bainen aan ain zied, en ze haar 'n laank klaid aan van ziede, stief van 't gòld. Op haand haar ze 'n vaalk, doar was ze wies mit; dij was aaltied bie heur.
De heren zeden tegen heur, dat zai zol 'n boom poten tòt 'n gedachtenis, as ze weer weg was. Ze wazzen net op 't in van de rieg; de leste zol zai din poten.
Dat zol aangoan. Zai sprong van 't peerd òf, gaf de vogel aan ain van de jonkheren, dij der aaltied bie wazzen, pakte de schovvel beet mit heur fiene handen, en gooide de grond op de wòddels van de buiken teig.
Ik mout domt weer in oorlòg, zee ze, mor over viefhonderd joar zal dij aigenste boom der nòg stoan, zo laank as ter vaalken in 't Bos binnen.
't Is net zo oetkomen, as dij groavin zegd het.
En vaalken zellen hier aaltied wel blieven.

Een prinses ging mee op jacht met een aantal heren in het Slochterbos. Zij plantte een beuk in het bos, opdat zij haar niet zouden vergeten. De boom zou blijven staan, zolang er valken in het bos zouden zijn.

Laan, K. ter. Groninger overleveringen. Zutphen, 1930. p. 13.

1930

Slòchter    Slòchter   

Bos    Bos   

Slochterbos    Slochterbos   

Slòchterbos    Slòchterbos   

Slochteren    Slochteren   

heer    heer   

van    van   

2013-03-01 14:46:20