Hoofdtekst
Waarkgaisten kìn je nooit zain, mor heuren kìn je ze zoveuls te beter. 't Is aal gehaaimzinneghaid wat ter bie is. Zo gaauw as 't goud duuster is, moaken ze lewaai, zo haard binnen ze aan 't aarbaiden. In timmerwinkel timmern en klòppen ze; in de smederij haauwen ze op 't ambòld, trekken aan de bloasbaalk òf besloagen peerden, van 's oavends òf aan, hail nacht deur. Slim is 't ook voak op meulens: ie heuren ze draaien. Mor 't allerslimste is 't op ainege boerenploatsen, benoam dij wat ainzoam op roemte stoan.
As ie 's mörns wakker wòrden, is 't niks wieder komen; ze aarbaiden haard genog, en ze kriegen tòch nooit gain slag doan.
Hail slim was 't aleer joaren op Klaaine Nes tussen Hòlwier en Baairm. Kaarnmeulen luip; 't dörsblòk gong in 't rond; gain peerd ter veur; de waaier draaide lusteg op; de haile schuur in voile bedrieveghaid. En weer, as ie der 's mörgens kwammen, was ter niks oet 't stro zet.
Mor de schudeuren stonden lös, ja soms wiedwoagen open. En de peerden stonden nat van swait op staal.
As 't koornmeten doan was, mos 't haalf mud ondersteboven en de schop aan zied legd wòrden; aans begunden 's nachts de waarkgaisten.
De smid legde zien schootsvel 's oavends over 't ambòld.
De waarkgaisten komen aaltied bie boeren dij verbraand op 't waark binnen en dij 's oavends ales kloar leggen veur aander dag.
Zo is 't gebeurd in Gareweer bie Tjamsweer aan aanderkaant 't daip.
Op 'n nacht wör maaid wakker; ze heurde dudelk dörsen in schuur. Ze ruip de knechten en ze gongen bie nkander op groupskaant zitten, om der noa te lustern. Dat was ook zoo'n verbraande boer.
Onderwerp
SINSAG 0061 - Werkgeister
SINSAG 0061 - Werkgeister 
Beschrijving
Bron
Motief
F451.3.4.0.1 - Dwarf workmen heard at night.
F451.3.4.0.1 - Dwarf workmen heard at night.
Naam Locatie in Tekst
Kleine Nes
Kleine Nes
Holwierde
Holwierde
Tjamsweer
Tjamsweer
Bierum
Bierum
Garrelsweer
Garrelsweer
Plaats van Handelen
Garrelsweer
Garrelsweer
Holwierde
Holwierde