DEVOOYS112 - VELE EXEMPELEN UIT BRUSSELSE HANDSCHRIFTEN XV

Een mirakel. Men leest dat mden stich[t] van colen waren twee gheslachte, die dootelicke viantscap hantierde teghen malcander. Sy hadden twee hooft wisschen, die nymmermeer vrede en lieten worden, daer dander an hoefden. Het geschiede wten wille gods dat sy storven op enen dach. Ende want si wt eenre prochie waren so worden hoer lichamen in een graf gheleit. Daer gheschiede een wonderlic dinc, dat nye ghehoert en was, om dat god woude tonen overmids hem die quaetheit der twidrachticheit. Daert aen saghen die ghene die daer bi waren, keerden die lichamen malcander den rugghe toe, ende mitten hoefden mitten hielen ende mitten rugghen sloeghen si malcander alsoe gruwelic oft onghetemde paerde gheweest hadden. Doe namen si dat een lichaem, ende leidet veer in een ander graft. Ende die kibbelinghe deser doden is gheworden een saec des vreden ende der eendrachticheit der levendigher. Het is te vermoeden dat hoer sielen grote kivynge hadden inder hellen, welker dode lichamen dus kibbelden opter aerden. Sonder twifel als verwoede honden sullen si ewelike inder hellen sonder rust malcander biten, benidend ende scoren ende grymmen ende mitten swavel ende barnende pec ende gloeiendeyseren hameren quellen ende slaen malcander, ende vanden duvelen
ghe/slaghen worden, die hier mit pertiën ende mit hat ende nijt sijn besmet.

Twee families in dezelfde parochie hebben altijd ruzie. De leiders van deze families sterven, zoals God het besliste, op dezelfde dag. Hun lijken werden, omdat zij van dezelfde parochie kwamen, in hetzelfde graf gelegd. Meteen begonnen de lijken op elkaar in te hakken, zoals de lichamen dat levend ook hadden gedaan. Men moest een van de lijken in een ander graf gooien. Het was voor de families een teken om op te houden met de twist, want het viel te verwachten dat de zielen van de twee lijken precies hetzelfde deden in de hel: elkaar voor eeuwig pijnigen in een strijd.

De Vooys, C.G.N., Middelnederlandse stichtelijke exempelen, Zwolle, 1953 pagina 98

Een mirakel

God    God   

Colen    Colen   

2013-03-01 14:46:20