Hoofdtekst
Een exempel. Het was oec in duutsche lant een aertsche bisscop, die veel gheluckes ende weelde hadde hier op die werlt, mer hi starf enen alren onsalichsten doot. Ende een heilich man wort hi ghetoent in deser maten: hi sach dat des bisscops siel wten lichaem wort ghetoghen in alte groter pinen, ende ghebrocht inder hellen, den prince der duvelen in enen hoghen stoel sittende, ende seide: ,,Welcome, aertsche bisscop, drincket van minen dranc, dattu langhe tijt trouwelike ende overvloedelike mi hebste ghedient". Die bisscop en woudes niet proeven, wetende wel datter niet goets in en was. Doch vanden dienres wort hi ghedwonghen den dranc te nemen van des pryncen hant ende te drincken, dat hi ontsach. Sonder marren, doen hi ghedroncken hadde, ghinc wt een swavelike viamme doer oghen, oren mont ende nose, ende also wort hi toegheworpen den ewighen brande.
Beschrijving
Een bisschop had op aarde aan weelde en geluk niets te kort. Hij stierf echter een onzaligen dood. Hij werd voor de prins der duivelen geleid en gedwongen een drank te drinken: verdiend door de trouwe dienstbaarheid die hij altijd jegens de duivel heeft getoond. Na het drinken komen er rookwolken uit zijn ogen, mond en neus en wordt hij in de vlammen geworpen.
Bron
De Vooys, C.G.N., Middelnederlandse stichtelijke exempelen, Zwolle, 1953 pagina 99
Naam Overig in Tekst
Duivel 
Duivel 
Datum Invoer
2013-03-01 14:46:20