Hoofdtekst
Een exempel. Een heilich mensche wort ghetoent hoe dat een man die ghestorven was, ende was een groot machtich man, mer een sundaer, ghebrocht wort ter hellen. Ende siet, die prince der duvelen stont op van sijn stoel, ende ghinc hem te ghemoet, ende dede hem sitten op sinen stoel, ende seide: ,,Sitte hier voer die eer die du hadste inder went". Ende die stoel gloeyde te mael als vuer. Hem wort oec ghescenct in een vuyl vat een seer bitter stinckende onreyn dranc, ende wort ghedwonghen vanden duvelen dien te drincken, die tot hem seiden: ,,Drincke dit voer die ghenoechlike dranc, diestu ghedroncken hebste inder werlt". Die duvelen stonden oec bi hem mit basunen, ende bliesen hem in sinen oren, ende die vuerighe vlammen ghinghen wt hem doer sinen noosgaten, doer sinen oren ende doer sine oghen. ,,Ende dit, seiden si, dit seistu liden voer die ydele cantilene of sanghen diestu ghehoert hebste inder werlt". Sy setteden oec serpenten an sinen hals ende an sinen armen, ende seiden: ,,Dit seistu hebben voer die oncuusche omhelsinghe der wiven". Ende aldus wont dese onsalighe man in desen ende anderen leden ghepinicht, daer hi in ghesundicht hadde.
Beschrijving
Een heilig mens wordt getoond hoe het een machtig, maar slecht man in de hel vergaat, zodra hij er heen is gebracht. Hij moet van de prins der duivelen op een troon gaan zitten, die gloeit als vuur, vanwege het aanzien dat hij op aarde heeft gehad. Hij moet een vieze drank drinken uit een vat: de drank die hij in zijn leven heeft gedronken, volgens de duivels. De duivels blazen met bazuinen in zijn oren: vanwege de ijdele liederen die hij in zijn leven heeft geluisterd. Ze zetten slangen in zijn nek, voor alle onkuize omhelzingen die hij met vrouwen heeft gehad.
Bron
De Vooys, C.G.N., Middelnederlandse stichtelijke exempelen, Zwolle, 1953 pagina 101
Naam Overig in Tekst
Duivel 
Duivel 
Datum Invoer
2013-03-01 14:46:20