DEVOOYS122 - VELE EXEMPELEN UIT BRUSSELSE HANDSCHRIFTEN XXV

Tot eynen tijde ghevyelt dat eyn predicaer sprack tot eynen mensche die beseeten was, ende hi vraghede den viant waer hij alre liefste waer. Die viant andwoerde hem: ,,In dat hiemelsche lant". Doen vraechde der predicaer, waer om hi in dat hiemelsche lant woude wesen. Hi andworde ende seide: ,,Op dat ick mochte sien dat zuete anschijn des sceppers alre creatueren". Doen vraichde hem die predicaer, off hijt yet ye hadde ghesien, ende hoe gerne dat hijt saghe. Die viant andworde hem, dat hijt hadde ghesien eyn luttel meer dan een opslach van eynre oeghen. Mocht icht noch eyn opslach van eynre oeghen dat claer anschijn des sceppers aensien, ich woude gherne daer omme doeghen off lijden totten jonxsten daghe alle die pijnen alleyne, die alle verdoemde gheisten soelen doeghen. Ende het is mij te swaer te seggen van sijnre scoenheit. Maer om dijne natuerlike bede soe sal ich dy eyne ghelijckenisse segghen. Du sulles mercken eernstelick dat ich dich segghe. Off alle scoenheit des hiemels ende van allen dieren gemmen, glasen, silveren gout ende alrehande metael ende alle scoen bloemen ende alle die scoenheiden ende verweentheiden die ghenoechlijck sijn int aenschouwen vergadert waren in eyn, ende alle eertrijck waer ghebruniert golt, ende alle die sterren [schenen] claere dan die sonne, ghelijck als die sonne nu lucht boven die sterren, off claere, ende dan alle die schone sterren ende sonne haer claerheit gaven op die scoenheit voersproken, noch en waert gheyne gelikenisse teghen die schoenheit des scheppers alre creatueren.

Een predikant praat met een man die bezeten is. Hij vraagt de vijand waar hij het liefste wilde zijn. De duivel antwoordde: 'in het hemelse land'. Waarom? Omdat hij het zoete aanschijn van de schepper van alle dingen wilde zien. Had hij die dan wel eens gezien? Ja, met nauwelijks meer dan een oogopslag.
De man legt uit dat alle schoonheid in de wereld niet te vergelijken is met de schoonheid van de Schepper.

De Vooys, C.G.N., Middelnederlandse stichtelijke exempelen, Zwolle, 1953 pagina 106

Zie ook DEVOOYS129

Schepper    Schepper   

2013-03-01 14:46:20