Hoofdtekst
Krödde (Polygonum persicaria L.)
Op de baarg van Gòlgotha, doar 't kruus op ston, wol niks op gruien. 't Zel vanzulf 'n hoge, dreuge baarg west hebben, mor hai was vervlökt bovendat. Ales wat kleur het, kin op zoo'n stee nait wezen; gain bloumke en gain gruin blad. Doar wazzen al zoveul ter dood bròcht, dat 't was niks as 'n wildernis vol dikke stamen mit roet der tussen.
Main ie, dat dat aanders kon? 't Kin nooit aans wezen.
Dou hebben ze Jezus doar hin bròcht. Onschuldeg wör e aan 't kruus sloagen mit spiekers, ja mit rongen deur handen en vouten. Druppen bloud siepelden noa beneden en vollen op 't roet, dat ter ston onder aan de vout van 't kruus.
Dat was krödde; ie waiten wel, dat graauwe goud mit van dij smale bloadjes. Mor zo smaal wazzen ze nait, òf 'n blouddrup kwam der midden op, twij op ieder blad.
Dou is Jezus van 't kruus òfnomen.
En de krödde is van de Kruushoogte over de haile wereld komen, deur ale landen, over ale zeeën. 't Gruit bie de loan en op 't haim, tussen 't koren en tussen eerappels. Kiek, net doar wie stoan, doar is ter alweer ain; bekiek zien blad moar; de twij donkerrode bloudvlekken zitten der op, as 'n leventege gedachtenis aan de griezelkste moord dij der ooit gebeurd is in de wereld.
Op de baarg van Gòlgotha, doar 't kruus op ston, wol niks op gruien. 't Zel vanzulf 'n hoge, dreuge baarg west hebben, mor hai was vervlökt bovendat. Ales wat kleur het, kin op zoo'n stee nait wezen; gain bloumke en gain gruin blad. Doar wazzen al zoveul ter dood bròcht, dat 't was niks as 'n wildernis vol dikke stamen mit roet der tussen.
Main ie, dat dat aanders kon? 't Kin nooit aans wezen.
Dou hebben ze Jezus doar hin bròcht. Onschuldeg wör e aan 't kruus sloagen mit spiekers, ja mit rongen deur handen en vouten. Druppen bloud siepelden noa beneden en vollen op 't roet, dat ter ston onder aan de vout van 't kruus.
Dat was krödde; ie waiten wel, dat graauwe goud mit van dij smale bloadjes. Mor zo smaal wazzen ze nait, òf 'n blouddrup kwam der midden op, twij op ieder blad.
Dou is Jezus van 't kruus òfnomen.
En de krödde is van de Kruushoogte over de haile wereld komen, deur ale landen, over ale zeeën. 't Gruit bie de loan en op 't haim, tussen 't koren en tussen eerappels. Kiek, net doar wie stoan, doar is ter alweer ain; bekiek zien blad moar; de twij donkerrode bloudvlekken zitten der op, as 'n leventege gedachtenis aan de griezelkste moord dij der ooit gebeurd is in de wereld.
Onderwerp
SINUR 0129C* - Die roten Flecken auf der weissen Taubnessel 
SINUR 0129C* - Die roten Flecken auf der weissen Taubnessel 
Beschrijving
De perzikkruid heeft rode vlekken omdat hij onder het kruis van Jezus heeft gebloeid
Bron
Laan, K. ter. Groninger overleveringen. Zutphen, 1930. p. 67
Commentaar
1930
Die roten Flecken auf der weissen Taubnessel
Naam Overig in Tekst
Gòlgotha
Gòlgotha
Jezus
Jezus
Kruushoogte
Kruushoogte
Golgotha.
Golgotha.
Datum Invoer
2013-03-01 14:46:20