DEVOOYS129 - Vander heylegher drivuldicheyt, uten sermoenen meester iacops van vitry

--- maer hoe men verstaen sal dat drie een sijn, en sal niement hem daer toe pinen, want het en si bi ghelikenessen, alst voerseyt es, so eest ommoghelijc te wetene ende ombehoorlijc te ondergrondene, als ons bewijst wert in enen wonder, dat een goet abel preecheere eens vertrac in een sermoen, daer hi seyde dat hi in inghelant eenen simpelen ongheleerden dorpman, die vanden viant beseten was, ghesien hadde, ende ghehoort nu griecs, nu latijn, nu walsch, nu inghels, cloeckelijc antwerdende tot allen questiën die hem ghevraecht waren. Ende onder al was hem ghevraecht oft hi inden hemel ghescapen was. Hi sprac: "Ia ic". Men vraechde hem wat gheest dat hi ware. Hi antwerdde: "Een gheest der hooverdicheyt". Daer na wert hem ghevraecht oft hi gode ghesien hadde. "Jaic", sprac hi. Doen wert hi besworen te segghene hoe god drivuldich ende eenvuldich es. Dit hoorende, cramp hi, ende trac sijn lede na hem, ende lach ghelijc eenen sollebal, ende sprac al bevende: "Wi creatueren souden met rechte swighen, ende verhelen dat niet en betaemt gheopenbaert te sine, noch wt te spreken en es. Ende daer om steet ghescreven int gheestelike recht aldus: Een leec mensche, die van deser onsprekeliker drivuldicheyt ende vanden kerstenen gheloove heymelijc oft openbaer disputeert oft argueert, hi doeter sonde ane, ende es weert dat men te banne doe."

Dat drie een zijn, zoals in de heilige drievuldigheid, is onmogelijk te doorgronden. Dat bewijst ook het volgende wonder uit een preek van een bekwame prediker: een simpele, ongeleerde man die door de duivel bezeten was, antwoordde op alle vragen die hem gesteld werden. Was hij in de hemel geschapen? Ja. Wat voor geest was hij? Een geest der hovaardigheid. Had hij God gezien? Ja. Toen moest hij zeggen hoe God drievuldig en eenvuldig is. Bij die vraag kromp hij ineen. Geen enkele leek kan over de drievuldigheid spreken.

De Vooys, C.G.N., Middelnederlandse stichtelijke exempelen, Zwolle, 1953 pagina 114

Zie ook DEVOOYS122

God    God   

Heilige Drievuldigheid    Heilige Drievuldigheid   

Engels    Engels   

Grieks    Grieks   

Latijn    Latijn   

Waals    Waals   

Frans    Frans   

Jacobus van Vitry    Jacobus van Vitry   

Engeland    Engeland   

2013-03-01 14:46:20