Hoofdtekst
Verroad
't Is bekìnd genog, hou dapper dat de Grunnegers vochten hebben bie 't beleg van 1672. Mor der wazzen ook minne mieters bie. Zo ain woonde der in 't Poordieshoeske bie Stainen Poorde.
Dat was nog wel ain, dij op Stad pazen mos: hai mos aal oavends de boom sloeten over 't Damsterdaip, dat ter gain schip meer tou in kon.
Nou, doar wol de bisschop van Munster juust deur; doar dòcht ja gain mìnsk om. Dou het de bisschop hom omkòft, dat hai zol dij boom's nachts open loaten.
Hai zol din 'n dik stok geld hebben. As 't lokte kreeg e nòg veul meer. Din zol e ook nog dröst van 't Oldamt wòrden; din zol e as 'n grode meneer op Dröstenbörg in Zubrouk wonen.
Op 'n oavend, dou 't al goud duuster was, stòpte hai wat in de grond in zien toentje. Mor dat zaggen twij kwoajonges, dij doar nòg rondstruuntjeden.
Zo gaauw as de boomsloeter weer in zien hoeske was, zai der hìn. 't Was 'n tebaksdeus mit 'n braif der in. Jonges der vot mit noa Roabenhaupt tou vanzulf. Dij was ter loos mit, omdat 't 'n braif aan de bisschop was, dat hai zol dij aigenste nacht mor komen, din kon e haile Stad innemen.
Twij doagen loater hebben ze de verroader op 't schevòt bròcht op 't Grode Maart en hom rits kòp ofhaauwgen.
Mor goud, nè, zo mout 't mit ale verroaders goan. En hou zol wie aans ooit 'n Achtentwintegsten vieren kinnen?
't Is bekìnd genog, hou dapper dat de Grunnegers vochten hebben bie 't beleg van 1672. Mor der wazzen ook minne mieters bie. Zo ain woonde der in 't Poordieshoeske bie Stainen Poorde.
Dat was nog wel ain, dij op Stad pazen mos: hai mos aal oavends de boom sloeten over 't Damsterdaip, dat ter gain schip meer tou in kon.
Nou, doar wol de bisschop van Munster juust deur; doar dòcht ja gain mìnsk om. Dou het de bisschop hom omkòft, dat hai zol dij boom's nachts open loaten.
Hai zol din 'n dik stok geld hebben. As 't lokte kreeg e nòg veul meer. Din zol e ook nog dröst van 't Oldamt wòrden; din zol e as 'n grode meneer op Dröstenbörg in Zubrouk wonen.
Op 'n oavend, dou 't al goud duuster was, stòpte hai wat in de grond in zien toentje. Mor dat zaggen twij kwoajonges, dij doar nòg rondstruuntjeden.
Zo gaauw as de boomsloeter weer in zien hoeske was, zai der hìn. 't Was 'n tebaksdeus mit 'n braif der in. Jonges der vot mit noa Roabenhaupt tou vanzulf. Dij was ter loos mit, omdat 't 'n braif aan de bisschop was, dat hai zol dij aigenste nacht mor komen, din kon e haile Stad innemen.
Twij doagen loater hebben ze de verroader op 't schevòt bròcht op 't Grode Maart en hom rits kòp ofhaauwgen.
Mor goud, nè, zo mout 't mit ale verroaders goan. En hou zol wie aans ooit 'n Achtentwintegsten vieren kinnen?
Beschrijving
Een poortwachter laat de vijand door in de stad. Hij wordt als straf onthoofd.
Bron
Laan, K. ter. Groninger overleveringen. Zutphen, 1930. p. 138
Commentaar
1930
Naam Overig in Tekst
Grunnegers
Grunnegers 
Poordieshoeske
Poordieshoeske
Stainen Poorde
Stainen Poorde
Grode Maart.
Grode Maart.
Naam Locatie in Tekst
Beleg
Beleg
Stad
Stad
Munster
Munster
Datum Invoer
2013-03-01 14:46:20