LAAN056 - Dubbelde Oarnd van de Maiden

Dubbelde Oarnd van de Maiden

Ales was dubbeld, wat ter aan hom was. Zien handen, zien scholders, zien nek, ales was ains zo dik as bie 'n aander.
Hai was wied genog de staarkste; gain ain dij hom aan kon.
Mor dat zol aans wòrden, zo gaauw as e mor traauwd was. 't Was mor 'n septiel wiefke, hai kon heur ja wel moaken en breken, doar zat hom 't nait in. Zai was hom haildaal de boas, komdaaierde hom as 'n hond, en laagde hom nòg oet ook.
Oarnd haar wel begrepen, dat e maanje minst was, mor 't zol nòg slimmer wòrden. Op 'n morn gong ze der op oet; dij aigenste oavend kwam ze mit heur voader en moeke weer over. Dij zollen bie heur in.
Kìn 'k nait verdainen, zee Dubbelde Oarnd.
Most mor haarder aarbaiden, zee 't lutje wiefke.
Hai dee 't, mor 't zol nòg mooier wòrden. Zai huil nou ook nòg aal heur bruiers en zusters, wichter en jonges, dikken en lutjen, zowat 'n haalfstieg mit nkander.
Kin 'k nooit verdainen, zee Dubbelde Oarnd.
Bist staark genog, zee zai En hai knooide der tegen aal wat e kon, net zoo laank dat op 'n oavend, dou Oarnd in hoes kwam 't fiene wiefke dood was. Ze was van ledder òfvalen. Duvel het heur de nek broken, dòcht Oarnd; aans was zai Ol Vent ook nòg de boas wòrden.
Boas! Ja, nou was hal weer de boas. 'Op toavel!' zee e tegen Voader en Mouder en 't haile brud.
'Vot din mor weer!' zee Oarnd, dou ze der apmoal opzatten, en hai druig ze, doar ze heer komen wazzen.
''n Vraauw komt ter nooit weer in!' Hai leefde nou haildal appaart, haar gain mìnsk in de weerld neudeg.
Belasten betoalen wol e ook nait. Deurwoarder mos ter heer, en dij nam de veldwachter mit. Mor dou ze dicht bie zien hoes wazzen, binnen ze mit heur baaident weeromgoan.
Dat kon zo nait. Dou zee de Keunink, dat hai zol zulf es komen, luit vot de gòlden koets aanspannen, en juig in ain stok deur noa de Maiden.
Net is ter 'n boer aan 't plougen. Kìnje mie ook zeggen, woardat Dubbelde Oarnd woont? zee de Keunink, ik mout hom es even te woorde, van hai wil gain lasten betoalen.
Kiek, zee Dubbelde Oarend, en hai tilde de ploug bie de staart tou de vurg oet, en wees ter mit noa zien hoes: kiek, doar woont Dubbelde Oarnd, en hier staait e!
Keunink het niks wieder vroagd, en het ook nooit gain dòit van Oarnd kregen.
't Is laank leden, dat kìnje wel begriepen.
(Vergelijk Josef Cohen, Ned. Sagen, 3e dr., I, 340. Daar is echter ten onrechte aangenomen, dat Maiden bij Muntendam bedoeld zou zijn. Dubbele Oarend heeft gewoond in de Wieremer Maiden, dat is bij Wittewierum en is daar nog algemeen bekend.)

Dubbelde Oarend trok in tied van 't inhoalen, as ter peerden te min wazzen, zulf 't vouer koorn deur 't laand, allerdeegs deur dwaarsgeuten hin. Op 'n keer was woagen wat hail slim swoar; 't peerd kon hom nait veuroet kriegen. 'Gain wonder, òl stumper!' zee Oarend, 'ik mout mie der zulf ook bie verweren.'
'n Miswoagen kon e mit gemak over zied zetten.
Zes mud koorn kon e touglieks droagen: twij op scholders, twij onder aarms, en twij in handen.

TM 2801 - Sterke man (vrouw)    TM 2801 - Sterke man (vrouw)   

Dubbele Oarnd was zo dik, dat alles dubbel zo groot aan hem was. Hij was daardoor ongelooflijk sterk. Hij trouwde een vrouw, die zeer de baas speelde over hem. Zij nam haar hele familie mee om bij hem te wonen. Hij moest ontzettend hard gaan werken om iedereen te onderhouden. Op een avond viel de vrouw van een ladder en overleed. Hij zette meteen iedereen het huis weer uit.
Dubbele Oarnd betaalde geen belasting. De koning zelf ging erheen om belasting te vragen. Hij vroeg aan een boer waar Dubbele Oarnd woonde. De boer was Dubbele Oarnd zelf. Hij tilde de zeer zware ploeg op en wees ermee naar zijn huis. Sindsdien hoefde hij geen belasting meer te betalen.

Laan, K. ter. Groninger overleveringen. Zutphen, 1930. p. 153

1930

Sterke man (vrouw)

Josef Cohen    Josef Cohen   

Nederlandse Sagen    Nederlandse Sagen   

Maiden    Maiden   

Dubbele Oarend    Dubbele Oarend   

Dubbele Arend    Dubbele Arend   

Wieremer Maiden    Wieremer Maiden   

Arend    Arend   

Oarend    Oarend   

Wittewierum.    Wittewierum.   

Muntendam    Muntendam   

2013-03-01 14:46:20