WEV004302

’k Heb zulf ook gekke dingen mitmoakt. Mien voar har ’n schip koft en doar was wat mit. Wie lagen es ’n keer in ’t stad en ik zat boven mit mien zuster ’n bakje koffie te drinken. Opains zegt ze: “Wat is doaronder toch veur ’n lawaai? Deuren klappen en de kopkes rammeln. Is doar wel?”
“Nee,” zee ik, “d’r is niks, mor dat gebeurt wel meer.”
“Goa den es kieken.”
“Dat is nait neudig, want as wie in ’t veuronder komen, is d’r niks te zain.”
’t Gebeurde ook ’n moal, dat ik op ’n oavend achter in ’t schip wezen mos. Ik goa ’t veurunder uut en den lopt d’r wat tegen mie aan. ’t Was in ’t gankje. Ik wör biezied drukt, en vuilde ’t aan mien scholder. ’k Was glad benauwd en ’k was bliede, dat mien man d’r weer was. En wat was dat nou? Dat schip har aan ’n schipper heurd, dei altied ’s nachts aan ’t waark was. Dei man was overleden, en nou was zien geest nog op ’t schip aan ’t kloppen en aan ’t waark.
Kiek, dit heb ik zulf mitmoakt.
Ie huiven aan de woarhaid nait twiefeln.

SINSAG 0477 - Begegnung mit Geistern.    SINSAG 0477 - Begegnung mit Geistern.   

Onverklaarbare geluiden op een schip; opzijzetten door geest van gestorven schipper die ook werkt op het schip dat van hem is geweest.

Collectie Wever, verslag 43, verhaal 2 (Archief Meertens Instituut)

Groningen    Groningen   

C108p    C108p   

2013-03-01 14:46:21