MVS002 - Van Onser Vrouwen beelt ende wat devociën Liedwy daer toe hadde. Ca II

Van Onser Vrouwen beelt ende wat devociën Liedwy daer toe hadde. Ca II
Eer dese maecht gheboren wert, quam een beeldemaker te Sciedam met eender beelden van Onser Liever Vrouwen, ende woude dat voeren in die Antworpsche marct om te vercoepen. Maer doe dat beelde int scip was ende die scipliede dat scip wouden van den lande stieren, soe was dat scip also swaer ende onberoerlijc om die teghewordicheit [217Va] des beelden dat een man wel draghen mochte, dat doen XX sterke mannen of meer met allen haren crachten dat scip van den lande niet af en consten ghebringhen. Soe dat sij ten lesten dachten, dat dat beelde een sake was, dat sij dat scip niet en consten vanden lande ghebringhen, rechte of Onse Lieve Vrouwe woude segghen, dat sij haer beelde in die kerke van Sciedam een stede ende een woeninghe hadde vercoren. Doe nam die beeldemaker eenen corten raet met den kercmeesters van Sciedam ende vercochtet hem om min ghelts dant wel weert was. Ende dese kercmeesters gaven desen beelden een sonderlinghe stede inder kerken, ende vergaderden namaels een broederscap van mannen ende van vrouwen, die den voerseyden beelde inder eeren Onser Liever Vrouwen groote reverencie bewijsden.
Doe Liedewy VII of VIII jaer out was, hadde sij dit beelde in grooter weerdicheit. Ende als sij haren bruederen plach teten te draghen inder scolen, so plach sij inder kerken te gane ende te spreken haer ghebet daervoer als sij best conste. Ende als si van haerer moeder versproken wert [217Vb] dat sij te laet thuus quam, so seide sij, dat sij Onser Liever Vrouwen ghegruet hadde, ende Onse Vrouwe haer weder toe lachede. Ende also sette si harer moeder te vreden.
Daerna doe sij ontrent XII jaer out was, soe wert si om hare scoonheit ende abelheit ende andere natuerlijke ende godlijke gaven van vele menschen begheert te huwelike ende haren vader gheraden aen te gane. Maer haer moeder riet ende bat haren vader, datmense om haer kijntscheit noch sparen soude. Ende Liedewy seide dat sij gheenen man hebben en woude, ende en mochte sij gheen verdrach hebben, si soude haer selven also handelen, dat se negheen man begheeren en soude. Ende daeromme bat si Onsen Lieven Heere daghelijx, dat Hij alle scadelijke dinghen ende weerlike minnen van haerer herten wilde trecken, opdat si allene haren God ende Heere met reynder herten ende lichame soude moghen minnen.

Een schip geladen met een beeld van Onze Lieve Vrouw is zo zwaar dat het schip niet kan wegvaren. Het beeld wordt verkocht aan de kerk in Schiedam, Liedewy komt bij het beeld bidden. Als haar vader veel aanzoeken voor een huwelijk met haar krijgt, vraagt haar moeder om uitstel en Liedewy zelf stelt dat ze niet wil trouwen.

Het leven van Liedewij, de maagd van Schiedam. Ed. Ludo Jongen en Cees Schotel. 2e dr. Hilversum: Verloren, 1994

Tekst en informatie: http://www.dbnl.org/tekst/_lie002lied01_01/

Onse Lieve Vrouwe    Onse Lieve Vrouwe   

Liedewy    Liedewy   

Sciedam    Sciedam   

Onse Lieve Heere    Onse Lieve Heere   

God    God   

Maria    Maria   

Liedwy    Liedwy   

Hij    Hij   

Heere    Heere   

Antworpsche    Antworpsche   

Sciedam    Sciedam   

Schiedam    Schiedam   

K003p    K003p   

2013-03-01 14:46:21