MVS019 - Het leven van Liedewij, de maagd van Schiedam

Van here Andries des voerscreven cureits doot. Capitel neghentien
HIer na regneerde te Sciedam die siecte van die bule of blader daer vele menschen af storven. Op dien tijt hadde Liedewy in haeren arm twee of drie swerte bladere, ende sant Willem, haren brueder, tot her Andries, den voerseiden cureyt, dat hij soude comen ende gheven haer dat Heileghe Sacrament. Doe die cureyt dat hoorde, quam hi tot haer maer onwillichlike,want hi [229Ra] wiste wel dat si die siecte hadde. Ende hi hoorde haer biechte, ende gaf haer dat Heileghe Sacrament. Ende doe hi wech soude gaen, sach Liedewy dat hy sinen mont ende nase stoppede, want hi hadde anxt dat hi van haer siec mochte werden. Doe antworde si ende seide:
- ‘Heere, en stopt u mont ende u naseo niet, want ghi noch nyement en sal die doot van my ontfanghen.’
Die cureyt antworde ende seide:
- ‘Ic wilde, dochter, dat ic also langhe leven mochte, dat ic u mochte sien sterven.’
Doe antworde Liedewy:
- ‘Heere, ghi en selt mijn eynde niet sien, maer ic sal u eynde seere gheringhe sien. Daer om biddic u dat ghy u leven also regeert, als ghi voer dat ordeel Gods wilt comen.’
Die cureyt en achte haer worde niet, want hi scheen noch ghesont te wesen. Maer cort daer na wort hi siec ende dachte op Liedewijs woerde ende sende enen vrient tot haer, die haer van sinen weghe om vergheffenisse soude bidden - want hi wiste wel dat hi yeghen haer mesdaen hadde - ende dat si Onsen Lieven Heere soude bidden dat Hi na Sijnder hoechster* salicheit met hem doen wilde. Ende Liedewy ontboot hem met grooten medelijden, dat hi hem [229Rb] bereyde* met warachtigher biechten ende gheven weder al onrecht goet dat hy hadde ende op wat steden dattet laghe ende bat hem dat hi dat haestelijc soude overgheven, wilde hy een stede hebben in dat Rijke Gods. Die cureyt en achte haer woerde niet ende starf met dien goede dat hi hadde. Maer corts na sijn doot wart hi haer ghewijst vanden ynghel Gods in die pinen ende hoe hy van die een pijnlike stede tot den anderen wort gheworpen vanden duvelen.
Na dese her Andries' doot wort te Sciedam cureyt her Jan Ynghel van Dordrecht ende uuten voerseiden clooster van Sente Mariën Waerde, die Liedewy seere vriendelijc was ende ghedienstich.

19. Het overlijden van heer Andries, de pastoor
In Schiedam heerste de builenpest en ook Liedewij had twee of drie zwarte builen op haar arm. Zij liet heer Andries halen om de communie te brengen. Deze gaf met tegenzin gehoor aan haar verzoek, hij was bang door haar besmet te worden. Ze zei dat dit niet nodig was omdat niemand zou sterven door haar toedoen. Ze zei ook dat de pastoor binnenkort zou sterven. Kort daarna werd hij ziek en herinnerde zich Liedewijs woorden. Vol medelijden liet Liedewij de pastoor weten, dat hij zich op het oordeel moest voorbereiden met oprecht berouw en door alle onrechtmatig verkregen goederen terug te geven. Heer Andries trok zich er niets van aan en stierf, nog steeds in het bezit van die goederen. Kort na zijn dood liet de engel Liedewij zien hoe de pastoor werd gepijnigd in de hel. Na Andries' dood werd Jan Engel uit Dordrecht benoemd als pastoor te Schiedam. Hij was uiterst vriendelijk en behulpzaam voor Liedewij.

Het leven van Liedewij, de maagd van Schiedam. (Ed. Ludo Jongen en Cees Schotel). Verloren, Hilversum 1994 (tweede druk).

ca. 1435

Dit verhaal is per hoofdstuk ingevoerd. Er zijn 44 hoofdstukken. <br>
Tekst en informatie: http://www.dbnl.org/tekst/_lie002lied01_01/

Liedewij    Liedewij   

Lidwina van Schiedam    Lidwina van Schiedam   

Schiedam    Schiedam   

Schiedam (Zuid-Holland)    Schiedam (Zuid-Holland)   

K003p    K003p   

2013-03-01 14:46:21